37.
De cómo el rey don Alfonso tollió el regno de Mallorcas al rey don
Jayme su tio
Sabida
semblament la muert dell excellent Rey, su fillo primogénito Don
Alfonso el Franco regnó et por aquesto fué nombrado el Franco
porque mas dió en su vida que Rey del mundo, que la ora regnas.
Aquesti rey Don Alfonso tollió Mallorquas al rey Don Jayme su tío
porque ayudaua al Rey de Francia contra su padre. Et estando á
Mallorquas, aquella muert denunció al poblo de Mallorquas et á todo
el Regno et todos ensemble fiesta de gran dolor et amargor
dolorosament celebroron.
Et
dexado el dito Regno en buena disposicion, en Cataluña sen tornó
por prender la corona et dignidad real. Et encontinent mandó Cort
general plegar en la ciudat de Çaragoça et aquí muy honrradament
el dito rey Don Alfonso fué coronado et alçado Rey, assi como es de
costumbre et de vssança de reys, todos tiempos obseruada. Et aquí
los aragoneses, mas por fuerça que por grado, fizieronle aprouar la
vnion que auían feita en tiempo de su padre el rey Don Pedro, con
priuilegio bullado con bulla de plomo, por buena et duradera memoria
perpetualment, et las Corts acabadas fuessen et vino por tratamiento
de algunos nobles caualleros de Aragon qui fueron en su seruicio,
contra la vnion, por la qual cosa huuo en el Regno grant guerra entre
el Rey et los de la vnion en toda su vida que nunca la pudo sobrar ni
deffer, antes cuidó seer desposedido del Regno. Porque una vegada ya
hiuan acordando, que obidiessen á Carlos de Valois, qui el Papa
hacía intitulado Rey de Aragon, segunt que aquesto ants mas
largament tratado de susso en la vida del rey Don P.º su padre; pero
non vino á acabamiento, porque el rey Don Alfonso les atorgó por
fuerça todo aquello que los de la vnion le demandaron; entro las
otras le demandaron ultra, otras terribls et desordenadas cosas, que
si non seruaua los priuilegios que feito hauía á la dita vnion et
las ordinaciones que hauían feitas ellos, que pudiessen esleir otro
Rey et á éll gitar del Regno; et que semblanment fuesse posada á
los sus succedidores, si las ditas ordinaciones passauan. Et de
acuesto se fizieron fer priuilegio al dito Rey.
Aquesti
rey Don Alfonso depues de algun tiempo, queriendo resemblar á los
sus predecessores, con grant poder de homs á cauallo et de pié la
isla de Menorca conquistó et aquella que de la fe de Mahomat era
ensuziada á la fe de Jesu Christo tornó et reduxo. Aquesti rey
Alfonso metie su amiztat con Don Alfonso desheredado de Castilla por
Don Sancho su tio por esta guisa; Don Alfonso desheredado, fué fillo
del infant Don Fernando primogénito, que era hermano de aquesti Don
Sancho, et casó con filla del Rey de Francia et auie II. fillos á
este Don Alfonso et á Don Ferrando: Et depues muert ell padre, Don
Alfonso de Castiella, regnó Don Sancho fillo segundo et deuía
regnar esti Don Alfonso el desheredado que era fillo del infant Don
Ferrando primogénito: agora entendedes porque es dito desheradado.
Aquesti Don Alfonso fué leuantado por Rey de Castiella en la ciudat
de Jaca, presente Don Alfonso rei de Aragon et Don Gaston de Bearne,
et fueronse para Castiella á meterlo en posesion del Regno, et fué
con ellos Don Diago de las Vizcayas et otros de Castiella entro á
CCC de cauallo, de guisado que eran con el Rey de Arago entro á IIII
mill de cauallo, et fueron á Montagudo. Et Don Sancho rey de
Castiella plegó sus compañias entro á X mil de cauallo de los
quales algunos querían bien á Don Alfonso, de guisado que estauan
pellados para lidiar et prendieron manera los castellanos que se
alargasse entro al dia siguiente et que lo jurarían et lo recibirían
por senyor et por Rey, et todos ensemble que entrarían por Castilla
et fueronse de nueite, et Don Alfonso rey de Aragon entró por
Castiella estragando et hauie letras del Rey de Inglaterra que yera
quasi su padre que era esposado con su filla et tornóse por hauer
vistas con él segunt oyredes.
Empues
esto el rey Don Alfonso, fué compresso, entre el dito Rey de
Inglaterra de veyerse entramos cierto dia et lugar cada vno de los
ditos Reyes, como millor et mas honrradament pudo, fué present. Et
depues muytos et varios tractamientos, fué asentado que el dito rey
Don Alfonso soltas el rey Carlos que tenía presso, él empero que
tenies en poder suyo por rehenes dos fillos suyas es á ssaber;
Rubert et Luis et siet barons de los mas nobles que fuesen en
Prohenca et en Napoles, por tal quel dito Carlos personalment pudies
tratar paz et amor entre el dito rey Don Alfonso et la Iglesia et los
otros principes suyos enemigos. Et aquesto feito tornosende en su
tierra el dito rey Carlos et delibró de la prission dos fillos suyos
et los barons de susoditos por rehenes dados del dito Carlos en
prisson del dito rey Don Alfonso por tratamiento del dito Carlos,
embió sus mesageros solepnes por tratament de la paz desuso dita et
mientre que la paz se tractaua et non fallía sinon por el Padre
Santo Nicolao IIII.º diuulgar, fer obseruar por cada vna part, vet
que accident vino cuitado al dito rey Don Alfonso; assi como el
hauies conuidado muito honrrado varon, et muito honrado prelado et
otras gents de diuersos stamientos, queriendo tener fiesta honrrada
en la ciutat de Barchinona et buena manya el qual podemos dezir
doloroso et despagado por las cosas subsiguients.
El
se leuantas et li fues aparellado su cauallo ensellado et bien
honrado de diuersos hornamentos et fues puyado en el por bofordar por
la dita ciudat con muytos otros caualleros semblanment con él et
començas á brocar su cauallo grieument se sintió en su persona
assi que encontinent todo descolorido, fizose descender del cauallo
et lleuar á palacio, et posos en el leito del qual accident assi
como bueno verdadero xpistiano et depues de breus dias, murió en
edat de XXVII, en el año de la natiuidad de nuestro Señor MCCXCII;
humilment recibido el hábito de los frayres Menores et con grant
duelo honorablement soterrado en el monesterio de los frayres Menores
de Barchinona. Instituydo heredero primogénito en su principado, Don
Jaime, la ora rey de Sicilia hermano suyo. Assi como su padre el rey
Don Pedro lo hauía ordenado. Aquesti rey Don Alfonso regnó sin que
no huuo muller ni procreó fillos, VII. años.
38.
De como el rey don Jayme fizo paz con los françeses e desenperó el
regno de Siçilia a la Yglesia
Muerto
el dito rey Don Alfonso, el general de Cataluña ensemble con los
otros regnos concordantes ordenaron, quel Conte Dampurias con dos
galeras et vn ley armado fuesse en Sicilia por leuar las agras nueuas
de la muert del dito rey Don Alfonso et por adozirsende el rey Don
Jayme de Sicilia nonbrado el Justiciero porque non plannia plazer
justicia de sí mismo á otri, ni de part á part en Cataluña. Onde
como el dito Conte fues en Sicilia et hauies recontado la muert de
Don Alfonso al dito rey Don Jaime de Sicilia su hermano et á la
Reyna, toda la tierra fizo grant duelo et planto et passado el duelo
et establescido gouernador en el dito regno Federico hermano suyo, el
dito rey Don Jayme con el Conte Dampurias del dito Regno partió et
vino sende en Barchinona, do fué recebido honrradament con grant
honor. Et tantost fizo celebrar missas por toda Cataluña et por
todos los regnos et grands almosnas fizo por la ánima de su padre el
rey Don Pedro et del rey Don Alfonso su hermano, et aplegó Cort
general en la ciudat de Çaragoça, do fueron el Arceuispo de
Tarragona et muitos de otros uispos, prelados, nobles, varons,
caualleros et ciudadanos et otras gents en multido copiosa. Et aqui
el dito rey Don Jayme de Sicilia fué vntado et coronado Rey de
Aragon feyta fiesta honrrada assi como ys ascostupnado en semblant
caso, et durando la dita Cort fueron hi feitas constitucions á
proveyto et vtilidad de la tierra.
Et
depues de algunos dias el Rey de Castiella dió su filla que hauía
nombre Maria al dito rey Don Jayme por muller non contrastant que
fuessen en muyt cercano grado de parentesco et de aquesto el rey Don
Jayme fue muyt despagado: mas por grandes importunidades et
prometienças quel dito Rey de Castiella fazía al dito rey Don
Jayme, assi mismo pensando que grant ayuda et fauor ende hauría
contra sus enemigos, inclinos á prender filla del Rey de Castiella,
porque primerament le prometió el dito Rey de Castiella quél, que
acabaría con el Padre Santo que cassamiento dél et de su filla
passaria et consumar se podría sin pecado, et le prometió que en
tiempo alguno non le falliríacon que le valies et ayudas contra la
Eglesia et todos sus enemigos. Et veet los prometimientos del dito
Rey de Castiella en quienta manera mala se conuitieron. Que como en
un lugar que es clamado Logroño fuessen ajustados el dito rey Don
Jaime de Aragon, et el dito Rey de Castiella, Don Jaime de
Mallorquas, tio del dito rey, Don Jayme de Aragon, et el rey Carlos
por tratar paz et amor entre el rey Don Jayme et la Eglesia et los
otros reyes enemigos suyos, et el dito Rey de Castiella, corropido de
grandes prometimientos de moneda por el rey Carlos secretamente á
manera de conuidar, ó de hauer colloquio con él, ó en qualque
manera entendía aprender al dito rey Don Jayme et aquel liurar al
dito rey Carlos; por tal que sin paz et sin amiztat los fillos del
dito rey Carlos et los otros barons quel dito rey Don Jayme tenía
presos, pudiessen exir de la prision la qual cosa el dito rey Don
Jayme, meanero nuestro Señor Dios, conosció sotilment, et assi como
sauio señor, dissimulando el dito frau clamada et hauida la dita
Regna su muller filla del dito Rey de Castiella, el dito rey Don
Jayme sentornó en su tierra.
Onde
como la dita Reyna en dias et años de edat non fues, carnal cópula
non fué seguida entre los ditos Rey et Reyna, ya sia que con aquesto
auies muitas vegadas por solepnes mesageros suyos demandado et el
dito Rey de Castiella por aquesto hauies instado, empero el dito Rey
de Castiella la dita dispensacion de consanguinidat no huuo al dito
dia assignado, segunt hauía prometido, ni encara depues el dito dia,
por la qual cosa el dito rey Don Jayme assi como sauio señor non
quiso hauer cópula carnal con la dita Reyna, mas tuuo et trató
aquella con honor real segunt que del se pertenia entro que la
Iglesia et el rey Carlos fué feita paz, et el casamiento de la reyna
Doña Blanca filla del dito rey Carlos fué celebrado, entre el dito
rey Don Jayme et la dita reyna Doña Blanca; et el dito rey Carlos
viendo quel su entendimiento no hauía podido hauer acabamiento trató
por otra manera verdadera que la dita paz se fizies en Cataluña, en
una planeza cerca el Castillo de Montroyg, cerca la Junquera, el dito
rey Don Jayme et el dito rey Carlos se ajustoron et aqui en ciertos
capitols amigablement se conuinieron de la dita paz los quales
capitols çerrados et sellados con los siellos de cada vn Rey, el
dito rey Carlos sende leuó al Padre Santo et aquellos en pleno
consistorio al Padre Santo mostró por tal como el hauía á firmar
et á conferir, los quales capitols vistos y reconocidos, el dito rey
Don Jayme sus solepnes mesageros enuió al Padre Santo por la razon
de suso dita, los quales ensemble con el Padre Santo Bonifaci et los
cardenales et el rey Carlos la dita paz firmaron et adeuido
estamiento aduzieron.
Et
encontinent el dito Padre Santo ordenó que G.m de Ferrerüs cardenal
vinies en Cataluña et en las otras tierras del dito Rey por
manifestar la paz et tirar el escomengamiento de las eglesias et
tierras, el qual hi auía durado XIIII. años. Et breument aquestas
cosas ordenadas el dito rey Carlos con su filla Doña Blanca et con
el dito legado, vinientes por publicar la dita paz fueron en la villa
de Perpiñan et estando aqui por retraher et reposar lurs personas el
dito Cardenal de gran malautia fué oppresso, de la qual dentro breus
dias murió en la dita villa et fué soterrado honrradament en el
monesterio de los fraires Menores. Et el dito rey Don Jayme, qui en
tal dito rey Carlos et legado se fazía á carreta et fues ya á
Girona, grieu malautia lo constrinyó por la qual muert del dito
Cardenal et malautia del dito Rey la publicacion de la dita paz se
huuo á prolongar. Et encontinent el dito rey Carlos embió á dezir
al Padre Santo que pues el dito Cardenal era muerto á otro deuies
comendar sus vezes. Et el dito Padre Santo despagado de la muert del
dito Cardenal, mandó á los Arceuispos de Anbrum et de Alerat que
segun la comission feita al Cardenal deuiessen ex seguir la paz de
suso dita.
Et
el dito Carlos con su filla Doña Blanca et con los Arceuispos et con
el dito rey Don Jayme con todos los barons et caualleros de su tierra
ajustoronse en Villabeltran en el dia Todos-Santos en el año de
nuestro Señor MCCXCV; en el qual dia et año los ditos arceuispos
publicoron la paz de susodita et non res menos absolvieron el dito
rey Don Jayme et todos aquellos qui con él eran en toda la tierra
del su escomulgamiento en que estauan et de todos daños et dapnages
et en qualquier manera fuessen feitos por el dito Rey et sus
sozmesos, á la Iglesia ó al Rey de Francia, ó á qualquier otro
rey ó persona por la razó sobredita. En la qual villa el dito rey
Don Jayme prissó por muller Doña Blanca filla del dito rey Carlos,
porque assi era empresso en los capitols de la paz de suso dita por
millor aquella obseruar.
Aquestas
cosas feitas, el dito Rey soltó francament et quitia los fillos del
dito rey Carlos et todos los otros barons que pressos hauía por
rehenes del dito Carlos et non res menos renunció en todo dreito et
toda demanda que en qualquier manera hauiere et podies hauer en el
Regno de Secilia, assi como era conuenido en los capitols de la paz
de suso dita. Et mandó á los mesageros de Secilia que aqui eran
venidos por aquesto que de aqui adelant obediessen á la Iglesia,
onde como los ditos mesageros de Sicilia ouiessen oydo tan estraño
mandamiento, de grant ira mouidos delant éll todos se esquinçoron
et dixeron muytas et inhonestas et non dizientes palauras: «Señor,
pues ansi es, que uos nos desamparades, placia uos que nos dedes
Señor ó nos digades á quien queredes que esliamos por Señor. Bien
auemos visto Señor et habemos oydo dezir, que muytas vegadas es
esdeuenido que vasallo desampara á su Señor, mas que Señor
desamparas jamas vassallos assi como vos Señor, á ningun tiempo no
lo hauemos visto ni oydo dezír sino agora.» Et muytas parablas
dixeron, assi como desanparados contra el dito rey Don Jayme
reptandolo de fé. Et tornoron la paraula de suso dita: «Señor,
dezitnos aquí queredes que esliamos por Señor? datnos Rey pues que
nos desamparades.» El dito Rey respondió con grant dolor que hauía
en su coraçon: «Nuestro hermano Federich ys fincado en Sicilia por
Gouernador fet ne lo que vos querredes.»
Et
encontinent los ditos mesageros van á enegrir las velas et todas las
galeras en que eran venidos et todas las xarcias y ellos assi mismo
vestidos de negro et lurs compañas partieron de aqui et tornoron
sende en Sicilia et recontaron á Federich, assi como les hauía
esdeuenido. Et tantost los nobles et general de la tierra se plegó,
et todos ensemble concordoron et eslieron en Rey et Señor lur al
dito Federich hermano del dito rey Don Jayme, el qual se retuuo
acuerdo sobre la procuraçion que regia del dito regno por su hermano
el dito rey Don Jayme entalscando el acuerdo de suso dito. El Padre
Santo Bonifaci et Fredrich de suso dito huuieron vistas ensemble por
tractar entre éll et la iglesia et depues de muytos tractamientos
prometió el Padre Santo á Fredich de darle en muller la filla del
Emperador de Constantin noble nieta del rey Carlos de suso dito et
aquesti prometimiento deuía seer feito et complido al tercero dia et
depues que el le ganaría el dito Imperio á mession de la iglesia,
el qual se esperaua pertannia á la dita muller por dreito
hereditario. Empero quel dito Fredrich desembargas el Regno de
Sicilia á la Iglesia, et non euan sic á la coronaçion de aquel. Et
como los prometimientos de susoditos algunos accidentes
entreuinients, el dito Padre Santo non pudies adozir á acabamiento,
á grant importunidat de los sicilianos el dito Federich fué
coronado en Rey et en Señor de aquellos.
Et
depues de aquesto passados algunos dias, el dito rey Don Jayme con su
muller la reyna Doña Blanca vino sende en Cataluña bien adentro et
por mandamiento del Padre Santo enuió al Rey de Castiella su filla
la qual hauía esposada por muller segunt que de suso hauemos dito
con conuinient honor mas non real, assi como á filla de Rey se
pertania. Et depues de todas aquestas cosas el dito rey Don Jayme
posó en su cocaçon de visitar las altezas de los apóstoles, de
presentarse delant el Papa, el qual aplegado grant nauilio armado con
muyto honrrado baron ribó al puerto de Roma al qual yxió á la
carrera el rey Carlos con todos los cardenales et ciudadános de
Roma, el qual recibieron muyt honrradament et con alegría; et feita
la reverencia por el dito Rey al Padre Santo, cierto dia assignado
fué á los ditos Reyes et Cardenales secretament con el Padre Santo,
al qual dia fueron todos presentes. Et fué ordenado por el Padre
Santo et por los Cardenales quel dito Rey fues braço et defendedor
de la dita Iglesia de Roma, et Señalero et Almirant de la armada de
aquella. Et que fues contra Sicilia et por prender aquella et
restituirla á la Eglesia. Et la ora, dié el dito Padre Santo al
dito rey Don Jayme conquista de Cerdeña et de Córcega et muytas de
otras gracias le fizo entre las otras quel dió la diezma de sus
Regnos et tierras por IIII. años. Et en aquest ende medio el dito
Rey dió su hermana Doña Violant por muller á Rubert fillo del rey
Carlos desuso nombrado, et todas aquestas cosas feitas, el dito rey
Don Jayme sende tornó con grant honor en su tierra.
Et
depues tantost estando en su tierra, el dito rey Don Jayme con
consello de los nobles et barones et vniuersidads con grant poder de
homes a cauallo et de pie et poderosament aplegó et el regno de
Murcia conquistó et prissó.
En
aqueste tiempo el infant Don Pedro hermano del rey Don Jayme muyt
buen cauallero fué contra el rey Don Fernando el de Castiella en
ayuda de Don Alfonso el desheredado que dixiemos en la coronica de
Don Alfonso de Aragon mas propinquo desuso dito, con Don Eximen de
Vrrea, Don Pero Cornell, Don Pero Fernandez de Açagra et otros
richos hombres de Aragón, otrosi, fueron con ellos el infant Don
Johan su tio del Rey de Castiella et con ellos el Rey de Portogal.
Entroron por Castiella et prendiendo et andando por tierras de Leon,
Dios embió enfermedat sobre ellos et auieron muitos de morir,
specialment murió de enfermedat el infant Don Pedro de Aragon en el
sitio de Vter de Fumas et en aquella hora los aragoneses con los
fillos de Don Fernando tornoron para Aragon, et aduzieron el cuerpo
del infant Don Pedro et soterroronlo en el capitol de los freyres
menores de Çaragoça, et el Rey de Portogal fuesse para su Regno et
tanto fizieron, specialment Don Exemen de Vrrea que por manera de
dezir mal, dizen oy en dia: «Malas Vrreas passen por tu casa» de
que ys semblant de lo que fizieron. Mas por conuiniencia depues lende
rendió part segunt adelant oyredes. Et veyt si fué grant honor á
la Casa de Aragon quel rey Don Jayme tollies al Rey de Castiella mas
poderoso Rey que éll, tal regno como es Murcia et aquí vicarios et
officiales constituidos, en Cataluña sen tornó pagadament et
alegre.
Et
quando el dito Rey fué venido en Cataluña el Padre Santo embió sus
mesageros á éll requiriendo que por vigor de la conuiniencia entrel
Padre Santo y él feita et prometida, con aquell mayor poder que
pudies de homes á cauallo et de pié á mission de la Iglesia deuies
conquerir el regno de Sicilia á la Iglesia. Et como el dito rey Don
Jaime adaquesto non podies deffallir segunt las conueniencias de la
paz desuso dita, satisfeito et pagado primerament á éll et á sus
caualleros et compañias, recollióse con grant poder de sus valients
barones et vassallos á Palamós et dreitament vinosende á Roma do
muyt honradament assi por el Padre Santo et cardenales como por otra
gent de la dita ciudat fué recibido. Et aqui estando por algunos
dias, fué ordenado en que manera faría el dito Rey sus afferes, et
ordenados los ditos afferes con su muller, Doña Blanca et con el rey
Carlos et vn legado del Padre Santo qui á pagar el sueldo al dito
Rey et á sus compañas era deputado, vinosende en Napoles do la
reyna Doña Blanca muller del dito Rey parió vn infant que huuo
nombre Don Alfonso, et estando aqui embió á dezir secretament á su
hermano el rey Don Fredrich de Sicilia, que en ninguna manera non le
parecies delant, mas que tenies acerca su tierra et bien stablida et
que non habies miedo de res, porque non yua por ocuparle su tierra,
sinon por seruir lo que auía prometido segunt de suso dito es; los
sicilianos sabiendo aquesto induyoron et auinioron el rey Federich
que esforçadament le defendiesse el Regno et se combatiesse con su
hermano en la mar.
Et
encontinent su hermano Federich con grant poder de gents de su Regno,
metióse en las galeras que hauía feitas aparelladas las quales eran
por número LX. Et non había de buena caualleria en Aragon ni en
Cataluña que non hauies hermanos ó fillos con el rey Federich et
muit bien aparellados, et por esto dupdauan los de Aragon et de
Cataluña et consellauan al rey Don Jayme que non dies batalla. Pero
él queriendo seguir lo que hauía prometido dezia, que non dupdassen
que los mayorals et millors con él eran, et que no pensaua que los
sus naturals entrasen contra éll. De los quales dizen que quando la
batalla se dió que muitos se gitoron en la mar quando el Rey de
Aragon Señor natural vidieron. Et el Rey de Aragon sabiendo que su
hermano de todo en todo queria hauer batalla con él, otra vegada
embióle á dezir por vna barcha armada, que en ningun caso del mundo
non quisies hauer batalla porque el faría por guisa que su Regno non
hauría menoscabo por la su venida. Et como por todas aquestas
inducciones el rey Fredrich non se quiso abstener de su propósito,
el rey Don Jayme feita primerament inhibiçion á todo home que si
non fues natural en todas las galleras que alli eran perelladas las
quales eran L. non entras, porque él todo solo con sus vassallos
quería hauer batalla con su hermano.
Et
aquesto feito et lexada su muller en Nápoles, el dito Rey con sus
compañas naturales en las galeras se metió por entençion toda
vegada de no encontrarse con su hermano si fer se pudies, mas el dito
rey Federich á grant inportunidat de los sicilianos enta su hermano
se acostó. Et mescladas las vnas galeras con las otras tan fuert
batalla y fué feita que la mar vermellaua de la sangre de la gent
que muerta y ferida yera sobre la mar. A la fin la mano dreita de
Dios ayudando, las galeras de los sicilianos se vincieron et fueron
muitas presas, saluant aquella do era el rey Federich et pocas otras
et aquellas assi mismo fueran pressas sino quel vencedor Rey mandó
que sende fues, en la qual batalla el dito rey Don Jayme fué ferido
con passador por el pié qui lo cosió con la cubierta de la galera
et mientre duró la batalla sol nos mudo el pié ni fizo asemblant
que fues ferido, de la qual cosa todo home se dió á grant
marauella: et recuentase que algunos dauan de consello al Rey que
diesse por malos á los sus naturales que yeran seydos en la batalla
con el rey Federich, et el Rey respondió que no lo faría que aquell
mismo linage fincaua en el su Regno é en su seruicio, é que no
mandas Dios que en Aragon hi hauies traydor alguno ni en su Regno, et
tiraueles todos sus algos que hauian, pero dióles á los sus
parients. Et fiziendo laudors á Dios, con todo su estolt vinosende
en Sicilia et estando aqui el legado et la huest francesa qui en
Nápols eran fincados passoronse en Sicilia con grant goyo et
pagamiento. Et mientre estauan en acuerdo que farían algunas
compañas delant el legado dixieron al dito rey Don Jayme que aquel
castiello qui cerca el era se rendría si el Rey de Aragon hi de
hiua, de la qual cosa fué dolent en su coraçon á por tal quel das
á entender al legado, el dito Rey, que volentaroso yera de conquerir
el regno de Secilia, partióse de alli et vinosende al castiello que
á él se quería render, el qual le fué liurado por el alcayde de
aquell, et encontinent el dito Rey fizole enforcar por otro crimen
que le leuantó.
Et
aquesto feito vinieron compañias del dito legado et dixieron al Rey
que otro castiello se rendría si su presencia vidia el alcayt de
aquel castillo. Et encontinent el dito Rey se acostó al dito
castiello et alçando el braço dreito estrennio la mano et dixo:
«Bacallar rendeme el castiello sino yo te enforcaré.» Et el
alcaide entendiólo bien et conosció quel dito Rey le signó que non
lo rendies. Et tantost respuso: «Leuatnos de aqui sino fernos he
leuar por fuerça porque Señor, traydor nos hauedes estado.» Et
aquesto feito el alcayde fizo desparar muytas ballestas porqué se
huuieron de alli partir; vehet que el tiempo de la paga del sueldo se
acostó et como el dito legado no hauies complimiento de moneda ya
sea que todos dias lende vinies el dito Rey con sus compañías se
partió de aqui et vinosende á Barchinona, mas primerament mandó á
vn cauallero qui auía nonbre Bertran Cannellas, qui era poblado en
Penedes que con dos galeras fues al rey Carlos por adozir con si su
muller la reyna Doña Blanca en Cataluña. Et quando el dito
cauallero fué al rey Carlos et huuo dito lo que dezir le deuía de
part del dito Rey de Aragon, el dito rey Carlos respondió et dixo:
«Cierto, el Rey de Aragon non se ys leuado lealment en aquestos
afferes, porque si él quisies el Regno auria presso.» Et el dito
cauallero respondió: «Si Dios me salue todo home que aquexo dirá
mientre uilment et falsa por medio de la barba.» Et firmó aqui de
present de mantener et fer dezir á todo home vno depues de otro que
mi Señor el Rey de Aragon si ys leuado lealment et assi como deuía,
et no y huuo ninguno que hi respondies.
Et
mandó el rey Carlos que le fues liurada la Reyna de Aragon, et
quando el cauallero ne fué partido, aplegó todos los caualleros et
la otra gent qui á las palauras desuso ditas eran presentes et
dixols «O caualleros et non vos ys verguença que delant vosotros
aquesti cavallero catalan aya desmentido á mi et de vosotros ninguno
non le aya respondido? si fuera esto esdeuenido á caualleros del Rey
de Aragon, certas non.» Et á la hora cada uno fizose afazendado de
recobrar los desafiamientos et él les repuso: «Ágora ys ora,
quando seys partido; si Dios me ayude grant desonor es de mi é de
vosotros.» Et depues de algun tiempo el Rey de Portogal Don Dionis,
cobdiciando quel rey Don Jayme et el rey Don Ferrando de Castilla
fuessen amigos et bien querients et paz et amor fuesse entrellos, et
vn dia todos los ditos tres Reyes se ajustoron en Taraçona et vnion
fizieron contra el rey de Granada, et el dito rey Don Jayme rendió
la ciudat de Murcia al dito de Castiella mas retuuose Orihuela,
Guardamar, Alacant, Elche et Criuillen, la Muela, la Valdella et de
Nonouella et Fauaniella, et muytos de otros castiellos roqueros. Et
el Rey de Castiella dió su filla por muller al infant Don Jayme
fillo primogénito del rey Don Jayme, mas cada uno era en fuert chica
edat constituydos. Et fué assi enpresso entre entramos los ditos
Reyes que el vno es á ssaber el Rey de Aragon, sitias la ciudat de
Almeria, et el otro es á ssaber el Rey de Castiella sitiara Aljazira
de Alfrada. Et aquesto fué feito cada vno de los ditos Reyes sen
tornoron en su tierra, et depues de algunos dias cada vno fizo su
pirareyto sic et aparellamiento por complir los emprendimientos
desuso ditos porquel dito rey Don Jayme con grant et marauellosa
armada por mar et por tierra, sitió la dita ciudat de Almeria.
Et
el dito Rey de Castiella assi mismo sitió Adaljazira de Alfadra et
leuosen consi el Rey de Aragon la reyna Doña Blanca. Et estando la
dita ciudat Dalmaria sitiada por el poder del dito Rey, la qual
muytas vegadas era estada fuertment combatida por aquel mismo poder;
grant multitud de gent morisca assi de cauallo como de pié contra el
poder del virtuoso Rey por desuayr et desbaratar aquell si pudies
vino, con grandes cridos et vdulaments. Mas el dito virtuoso Rey con
su valient gent todos tiempos vincie aquella morisma baronilment
vinció et por todo vn día encalçando matoron aquella incessanment,
et segun arbitrio comun murieron aquell dia entre de cauallo et de
pie. VI mil moros. Et aquesto fué el dia de San Bartholomeu apostol
en el año de nuestro Señor M.CCC.IX. Et pagado et alegre Dios
loando et benediziendo, el dito Rey con su compañia sin que ningun
mal non prisso tornóse á sitiar la dita ciudat de Almaria.
Et
estando la dita Ciudat en gran estreñimiento, otra vegada grand
innumerable ajusto de moros por semblament manera que de suso hauemos
recontado, vino grant el dito Rey et sus gents; mas Dios ayudando con
grant mas desonor et vinció et con mas mortaldat que la primera
vegada, tristos et dolens sen tornoron. Et el dito Rey de Granada
viendo manifiestament la destruccion de si mismo et de sus gentes,
con algunos barons de Castilla inhonesta cobdicia de moneda menaçando
quel dito Rey de Castiella se leuantas del dito sitio et sentornas a
su tierra et el dito tractamiento feito, aquell denunció el Rey de
Castiella con sus misageros al Rey de Aragon, el qual pensando que
sin grant periglo non podía estar en el dito sitio, pensando encara
que ningun socorro ni ayuda non hauía del Rey de Castiella, tractó
paz entre si mismo et el Rey de Granada. Et vn dia mientres ques
tractaua aquesta paz, vn moro qui de aquesta paz era tractador con
XXX ginets vino al dito Rey guiado et dixole que con él quería
faular en su compañía, por tractar de la paz secretament.
Et
encontinent el dito Rey mandó á todos sus caualleros que les
fiziesen lugar: et el dito Rey todo solo con los moros estuuo et
fabló vna grant pieça, de la qual cosa todo home huuo grand
desplazer et gelo tuuieron á grant locura por muytos peryglos que se
podían esdeuenir. Et plegada toda la su gent recollióse et vino
sende en Cataluña dolent et despagado en si mismo por el
tractamiento de los prometimientos quel dito Rey de Castiella le
hauía feito; mas non lo han agora denueuo porque por priuilegio lo
han antigament acostumbrado, et pues por costumbre lo han, en natura
les es tornado, porque non sende podrían estar. Es verdat empero que
grant fambre et grant malautia se metía en la huest del dito rey Don
Jayme en la fin del partimiento de Almería. Et fué muyt bueno á
las gents recoller; et Don Johan Ximenez de Urrea senor de Montagudo
murió á la tornada, et fué enterrado en los frayres predicadors de
Calatayu: et la hora el Sol sufrió defallimiento, nel dia de la
Purificacion de nuestra Sennyora Sancta Maria, en el año de nuestro
Señor M.CCC.IX.
Et
dentro aqueste anno murió la reyna Doña Blanca, muller del dito Rey
de la qual procreó V. fillos et V fillas; el primero nombrado Don
Jayme qui renunció el Regno en vida del padre et non quiso consumar
el casamiento que yera entrél et la filla del Rey de Castiella,
clamada Alionor; el secundo Don Alfonso qui fué Conte de Urgel et
huuo por muller la filla del noble Don Gombalt Datença et nieta de
Don Armengon conte de Vrgel, et depues tantost fué Rey de Aragon: el
tercero Don Johan et fué Arçeuispo de Toledo et depues Patriarcha
de Iherusalem et Arceuispo de Tarragona; el quarto Don Pedro qui fué
conte de Ribagorça et de Ampurias, et aquesti como fué en edat de
LIIII. años, collocados todos sus fillos, dia Lunes á XII dias de
Setiembre en el año de nuestro Senyor M.CCC.LVIII. en el monesterio
de los frayres menores recibió el hábito de señor de San Francisco
en Barchinona; el quinto Don Ramon Berenguer qui fué Conte de
Pradas. Mas despues aquestos dos hermanos çagueros cambiaron lurs
condados el vno al otro, porque el infant Don Pedro canuió el su
condado Dampurias con el infant Don Remon Belenguer su hermano, por
el condado de Prades, segunt que mas largament en vida de cada vno de
los desusso ditos infants por adelant recontaremos.
De
las fillas, la primera huuo nombre Doña Maria et fué muller del
infant Don P.º de Castiella; la segunda huuo nombre Doña Gostança
et fué muller de Don Juan fillo del infant Don Manuel; la tercera
fué muller del Duch Daustria, huuo nombre Doña Isabel; la quarta
huuo nombre Dona Blancha et fué prioresa de Xixena; la quinta huuo
nombre Doña Violante et fué muller del fillo del Princep de la
Morera et de Taranto; la qual prissó otro marido depues de aquel,
Don Lop de Luna Senyor de Segorbe, el qual en tiempo del rey Don
Pedro nieto de aquesti rey Don Jayme, fué feito Conte de Luna por el
dito rey Don Pedro nieto de aquesti rey Don Jayme; depues muert de la
dita reyna Doña Blanca, prissó otra muller, la hermana del Rey de
Chipre clamada Doña Maria de la qual non procreó fillos ni fillas
por tal como era de muytos dias, et viuió poco tiempo con el dito
rey Don Jayme.
Et
en vida de aquesti rey Don Jayme, murié el rey Don Jayme de
Mallorques tio suyo el qual fué buen home et buen administrador et
milloró su patrimonio bien por las dos parts et tuuo su Regno en
grant dreitura et justicia et dexó depues muert suya IIII. fillos et
dos fillas; el primero huuo nombre Don Jayme qui en vida de su padre
renunció el Regno et pusose en la Orden de los frayres Menores, et
el otro huuo nombre Don Sancho qui fué Rey, et el otro Don Ferrando;
et el quarto filio del dito rey Don Jaime de Mallorquas huuo nombre
Don Phelip qui fué santo hombre et murió deuotament estando freyre
Menor. De las fillas, la primera huuo nombre Isabel que fué muller
de Don Johan Manuel, depues empero de la muert del dito rey Don Jayme
de Aragon; la otra Sancha la qual fué muller del rey Rubert: et
muerto el dito rey Don Jayme de Mallorques, regnó depues en el su
regno et tierras, el segundo fillo suyo Don Sancho, por tal como el
primero fillo suyo renunció la primogenitura et se metió en Orden.
El
de sus dito Don Jayme de Aragon á las Corts generales que tuuo á
Girona, citó el de sus nombrado rey Don Sancho de Mallorquas, el
qual queriendo obedir á la voluntad del dito Don Jaime su señor,
assi como de dreito ne era tenido, muyt honrradamet vino á la ciudat
de Girona, do fueron ya ajustados todos los prelados, richos homes,
barons, caualleros, síndicos, procuradores de ciudades et villas de
Cataluña, et delant todos en general el dito rey Don Sancho de
Mallorquas reconoció tener en feu et dejus señoria del dito rey Don
Jayme, el regno de Mallorquas et islas de aquell, et los condados de
Rossellon et de Cerdaña, et la baronia de Montpesler et de aquesto
le fizo homenage et sagrament de fieldat por si et sus successores.
Et á mayor firmeza fueron feitas cartas públicas á perpetua
memoria: et depues de aquesto fué acordado et firmado aqui mismo,
que Don Alfonso fillo del dito rey Don Jaime conte de Vrgell et
Çeneral Procurador suyo fues á conquerir el regno de Cerdeña et de
Corcega; en ayuda de la conquista, el rey Don Sancho de Mallorquas le
prometié ayudar con XX galeras á su mission propria la qual cosa
cumplió muyt bien: tenidas las Cortes, el dito rey Don Jayme sen
vino á Tarragona et aqui él prissó muller Naelesen de Moncada, el
dia de Nadal en el año M.CCCXXVII de nuestro Señor. En aquel mismo
dia, Don Alfonso fillo suyo paró el estandart á Barçalona, por fer
el viage de Cerdeña. Depues de aquesto el dito rey Don Jayme partido
de Tarragona et venido de Barchinona á requirimiento del noble Nuch
Judge de Arborea et vizconte de Bas, el dito rey Don Jayme enuió á
Oristan en la ysla de Cerdeña con III. toqs, los nobles Don Dalmau
vizconte de Rocaberti, Don Guerau de Rocaberti, Don Bertran de
Castellot et Nuch de Santa Pau, con CLXXX homes á cauallo, en el mes
de Mayo en el año M.CCC.XXIII de nuestro Señor; por tal como el
comun de Pisa hauía enuiado conpanya de cauallo et de pié en la
ysla de Cerdeña en defension de aquella.
Et
aquesti mismo mes de Mayo el dito Don Alfonso partió de la ciudat de
Barcelona con XX galeras et con muyto otro nauilio de naues coquas et
otros vaxiellos, por venir á Port-Fangós do hauía assignado dia de
recullir todas sus compañias, do fué el rey Don Jayme personalment
et todos sus fillos et muytos prelados et richos homes de Cataluña
et de Aragon et del regno de Valencia et aqui vino el noble Don
Francisco Carroz Almirant con vint galeras qui se armoron en
Valencia, et assi mismo y de vino Nuguet de Corzo almirant del rey
Don Sancho de Mallorquas con XX. galeras, que eran armadas en las
marinas suyas, et muyto otro nauilio por leuar cauallos et caualleros
et homes de pié et apparellamientos de combatir. Partió el dito Don
Alfonso de Port Fangos, el primero dia del mes de Junio del dito año
con Doña Teresa muller suya con LX. galeras, XXIIII. naues et muytos
de otros nauilios menudos, tanto de qui bastó á CCC. velas et mas,
et el V. dia del mes de Junio fué al puerto de Mahon en la isla de
Menorcas, por contrario, de tiempo huuo de venir. Et huuo acuerdo que
por tal como hauía en ardit quel comun de Pisa, enuiaua compañia de
cauallo et de pie en la Isla de Cerdeña se huuies de mudar en la su
galera: et porque se cuitas con las gáleras et que en antes fues en
la dita Isla; et assi fué feito.
Partió
el dito Don Alfonso con todo su estolt de galeras et de naues et de
otros vaxiellos del dito puerto á IX. dias del mes de Junio, et á
XIIII. dias del mes desusodito, tan solament con las galeras, fué al
cap de San Marcho cerca Oristan en la isla de Cerdeña, et aqui huuo
ardit del Judge de Arborea que los nobles vizconte de Rocabertin et
los otros qui primeros eran passados con las III. naues, eran en vn
lugar que hauía por nombre Quart et á vna legua del castell de
Callar con compañia del dito Judge los hauía liurado por vedar que
viandas no entrassen en el dito castiello, et aqui huuo de consello
que sende fues al puerto de Palma de Sols, et lexó un leño armado
por denunciar á las naues et al otro nauilio que fiziessen aquella
misma via. Et plegado todo el estolt, el dito Don Alfonso sitió
Villa-de-Iglesias la cual con grandes traballos et enoyo prissó. Et
depues cerca de algun tiempo el dito Alfonso huuo grant et sobrera
batalla con los enemigos el Miércoles de la Cenisa en el año de
nuestro Senyor M.CCCXXIII. qui eran mas de mill CCC. homs á cauallo
et II. mill ballesteros, de los quales era cabo Manfre de Norático.
Et el dito Don Alfonso vinció et obtuuo victoria contra los enemigos
do murieron de los enemigos bien mill. CC. homes, entre de pié et de
cauallo en suso; et de la part del dito Don Alfonso non ende murió
VI. homes fidalgos et VI. de pié.
Et
con grant victoria el dito Don Alfonso leuantó el campo, et fizo
grands gracias et lohors á Dios qui tan señalado miraglo le hauía
feito et demostrado: et depues de aquesto, vino sitiar castell de
Callar et mientre que lo tenía fuertment et districta sitiado, vn
dia depues de comer mientre que todo home dormía et non se talayauan
de res, todo el poder del dito castiello de Callar vino á ferir en
la huest del dito Don Alfonso. Et en esto manifestó miraglo nuestro
Señor Dios al dito Don Alfonso, que entro á XL homes á cauallo et
algunos homes dé pié del dito Don Alfonso, vencieron todo el dito
poder et á grant desonor et vituperio sende tornoron muertos et
consumados en el dito castiello et murieron la hora de los enemigos
mas de CCC. homes solament de cauallo, vltra aquellos, que hi
murieron de pié. Et de la part del dito Don Alfonso no y murieron
sino dos homes de cauallo que feriendo sende entraron en castiello de
Callar con los enemigos, los quales eran clamados, Berenguer
Centellas et Guillen de Montagudo. En el otro dia aquellos del
castiello demandoron tregua por soterrar los lurs muertos la qual les
fué otorgada et soterraron aquellos que pudieron et de los otros
fueron implidos dos poços con tierra que hi fué gitada de suso por
tal que no dassen pudor en la huest, et depues de aquesto el dito
Manfre demandó que se pudies veer con el dito Don Alfonso, por tal
como era su parient. Et el dito Don Alfonso respondióle que con él
non se podía veer sin batalla. Et depues siguies quel dito Manfre
vinole enfermedat de la qual murió en la fin del mes de Junio.
Vinieron
en el dito sitio XX. galeras, quel mandas Don Jayme y enuió de la
qual cosa los enemigos fueron muyt desmagados et començoron á
faular tractamiento; et finalment fué assi auenido quel Comun de
Pisa liuraria todas las fuerzas que hauía en la Isla et ternian
castell de Callar en fé por el Rey de Arago, et que de aquesto
farían homenage los ancianos de Pisa, et fué feito que á doze dias
de Julio del año M.CCC.XXIV, la señeria del dito Don Alfonso
noblement acompannada de honrada caballeria, entró en el dito
castiello et fué possada sobre la peire del Orifany; et la otra
señera fué possada en el campanal de la iglesia mayor. Et Don
Berenguer de Boxadors cauallero, et Don Guillem Olomar ciudadano de
Barçalona, fueron en Pisa por prender homenage de los ancianos del
Comun de Pisa. Et ordenó el Infant quel noble Don Phelip de Celuza
qui era venido de Secilia, fincas gouernador en la Isla con CC. homes
á cauallo et con D. peones. Et aquesto feito, á XVIII dias de Julio
del dito año el dito Alfonso partió del lugar de Bonayre con todo
su estolt et vinosende al lugar de Sant Martin, do estuuo dos dias et
depues partió de aqui et fué en Barcalona el segundo dia de Agosto,
do fué recibido por el rey Don Jayme su padre et por los otros qui
aqui eran muyt honrradament et con grant goyo et alegría. Et depues
de algun tiempo Doña Teresa muller del dito Don Alfonso murió. De
los quals fincoron dos fillos et vna filla, el primero huuo nombre
Don Pedro, el qual fué jurado en Rey ó primogenito en ciudad de
Çaragoça antes que la dita Doña Teresa muries, tantost pero aquell
Don Alfonso fué coronado de Cerdeña: el otro Don Jayme qui fué
Comte de Vrgel et vizconte de Ager. La filla huuo nombre Gostancia,
et fué muller del rey Don Jayme de Mallorquas, el qual fué
desposeydo por excusaçon de justicia, de su Regno et tierras por el
rey Don Pedro cuñado suyo et hermano de su muller.
Tornemos
al dito rey Don Jayme padre del dito Don Alfonso; vivient encara el
dito rey Don Jayme murió Don Sancho rey de Mallorquas el qual fué
home simple et ningun tiempo no quiso seer enemigo de la casa de
Aragon, antes á los mandamientos de aquella mientre vivió,
obedeció, et dexó su regno á Don Jayme fillo de su hermano Don
Ferrando qui murió en Grecia, dius aquesta condicion le lexó el
dito Regno, por tal como el dito rey Don Jayme con voluntad et
conosciencia de dos hombres buenos de Mallorquas et de otros dos de
Perpiñan et otros dos de Puicerda et de su consello le fues dado
curador fasta que por si mesmo pudies regir su tierra. Por aquesto
todos los ditos homes buenos eslieron curador suyo Don Phelip su tío
mas non lo quiso prender, entro ha quende fues forçado por el Padre
Sancto. Et mientre que de la tutoría el dito Don Phelip vsaua, en la
tierra suya se mouió grant discordia porque algunos no querian
vbidir al tutor, entre las gents huuo grant mal et gran treuallo; mas
finalment por tal que aquesta discordia se apagas, el dito Don Phelip
trató que la filla de Don Alfonso hauies por muller el dito Don
Jayme, nieto del dito Don Phelip; et quando aquesto fué feito, la
discordia de sus vassallos fué atallada, et el dito Don Jayme fué
esleydo rey de Mallorquas; el qual rigió su tierra non assi como rey
mas assi como á tirano. La qual cosa et por otras que fizo á su
cuñado el rey Don Pedro de Aragon, segunt que desuso recontaremos,
fué justamente despossedido de su Regno et tierras. Et aquesti rey
Don Jayme de Aragon, fué muyt sauio varon. Assi que la vnion que en
tiempo del rey Don Pedro se era feita et continuada en tiempo del rey
Don Alfonso su hermano et encara en el tiempo ó començamiento del
dito rey Don Jayme, su grant sauieza fizo fer á sus vassallos
exoluidarla. Por la qual cosa huuo paz et amor entre sus gents en
toda su vida.
Et
depues de todas aquestas cosas el dito rey Don Jayme de Aragon
deuotament murió en edat de LXVI años, en la ciudad de Barchinona
la vigilia de Todos Santos. Et fué soterrado muyt honrradament en el
monesterio de Santas Cruzes en el año de nuestro Senyor M.CCCXXVII.
El qual regió su tierra con grant justicia et misericordia
luengament et dexó derederos suyos en los regnos de Aragon et
Valencia, de Cerdeña et en el condado de Barchinona al dito Don
Alfonso, et encara señor de sus hermanos; et lexó heredero del
condado de Ribagorza, et de Ampurias el qual por compra huuo Don
Pedro, et del condado de Prades Don Ramon Berenguer.
39.
Del rey don Alfonso et de sus fechos
Muerto
el rey Don Jayme, succedio á éll en sus regnos et tierras, Don
Alfonso el Benigno, (et por aquesto fué nombrado el Benigno porque
fué el mas cortes de palaura et el mas familiar et el mas auinent á
los sus sozmesos que otro rey que al mundo fues que assi les fue como
compañero), fillo suyo sobre dito el qual feita la sepultura de su
padre aplegó grands Corts á Çaragoza. Et aqui con muyt mas
honramiento que nunca Rey se coronas, fué coronado et vntado en Rey.
Et
depues prissó por muller la filla de Don Ferrando rey de Castiella
clamada Alionor la qual era esposada con su hermano el infant Don
Jayme. Mas por tal como el dito Infant renunció á la primogenitura
et se metió en Orden, el dito matrimonio non pudo venir á
acabamiento. Aquesti rey Don Alfonso despues que huuo recibida
aquesta muller çaguera; non fizo afferes do cabo ni cominales porque
cada vegada ho quayx, estuuo enfermo. Et procreó de aquesta çaguera
muller dos fillos, el uno hubo nombre Don Ferrando qui fué Marques
de Tortosa, et el otro Don Joan. En vida de aquesti Rey, Fredrich de
Sicilia tío suyo murió, el qual procreó de su muller III fillos.
El primero huuo nombre Don Pedro qui succidió en el regno de Sicilia
et el otro Don Johan qui fue Duch de Atenas. El tercero Guillem qui
murió sin alguna dignidat.
Es
verdat empero que la vnion que en tiempo de los predecessores de
aquesti Rey era mouida et succedida, jamás en tiempo de aquesti Rey
nos mouió ni se suscitó. Si quier se fues por la grant sauieça de
su padre el rey Don Jayme qui con buenas et bellas mannas la apagó,
si quier por la grant benignidat de aquesti rey Don Alfonso qui res
de lurs priuilegios ni libertades non les crebantó. Et encara que
aquellos que fueron mouedores de la vnion quaxi eran muertos. Aquesti
rey Don Alfonso, lexó heredero et succeydor en los regnos de Aragon,
de Valencia, de Cerdeña, en el condado de Barcalona, Pedro fillo
suyo et encara lexó heredero el condado de Vrgel et del vicondado de
Ager, el otro fillo Don Jayme los quales procreó de la primera
muller Doña Teresa.
Et
depues heredó los otros dos fillos que procreó de la çaguera
muller clamada Doña Elionor. Es á ssaber el mayor hauía nombre Don
Fernando del Marquesado de Tortosa, et de la ciudat de Albarrazin, et
el otro clamado Don Johan heredó dentro en su tierra, empero sins
alguna dignidat; et depues assi como Rey cathólico en edat de
XXXVII. años rendió su ánima á Dios en la ciudat de Barçalona,
en dia miércoles á hora de media tercia, vigilia de la conuersion
de San Paulo, que home conta XX.º kalendas de Febrero en el año de
nuestro Senyor M.CCC.XXXV; et fué soterrado en el monesterio de los
freyres Menores de la dita ciudat. Et depues fué trasladado en el
monesterio de los freyres Menores de la ciudad de Lérida.
No hay comentarios:
Publicar un comentario