CRONICA DE SAN CHUAN DE LA PEÑA (2)

20. Del rey don Remiro cómo fue sallido de la mongía et fue fecho rey

Muerto el Rey Don Alfonso ó perdido en la batalla, los regnos de Aragon et de Nauarra fincoron sines heredero bien vn año et de los regnos metieron regidores et gouernadores en los regnos, et non podían ser bien defendidos. Et por esto tractaron et ordenoron que esleyessen por rey á Don Pedro Atares señor de Borja y en aquesto quasi concordauan todos. El dito Don Pedro Atares encara non seyendo esleydo por rey empeçó multo á leuantarse mas en orgul que no primo, non guardando la gra que los del regno le fazían. Por la qual razon muytos de Aragon fueron despagados dél, et mandoron plegar Corts generales en el lugar de Borja en las quals Corts cuydaua seer segnor del Regno. Et entre los otros de Aragon los nobles Don P.o Açon de Cacareita et Pelegrin de Castellazuelo como fuessen poderosos querían guardar á bien del Regno et naturaleza, qui deuía seer rey. Et por la soberuia et menosprecio que Don P.o Atares, non seyendo en cara rey, fazia á los del Regno, enformaron é faularon con muytos del Regno que Don Ramiro hermano et fillo de su senyor el qual era monge en el monesterio de Sant Ponz de Tomeras en Francia, en la comarca de Besses, fiziesen que fuesse rey.

Et quando los nauarros vinieron á las Corts de Borja con uoluntat et propósito que fiziessen Rey á Don P.o Atares, su promocion del Regno, non recibieron de buena manera á los nauarros nin aquella honra ni cortesía que deuían et habían acostumbrado. Et veyendo esto Don Pero Tizon de Cacareita noble de Aragon leuantose et con grant alegria et honra, reciuió los nauarros et combidoles que comiessen con él. Et sabiéndolo Don P.o Tiçon, que Don Per Atares era en el baño, otros dizen, que la cabeza se lauaua, fué con los nauarros para fazer reuerencia á Don Per Atares, et los porteros como locos et de poco bien, lo que muytas veces les hauian, non demostrando esto á Don Per Atares ni escussándolo en el acto que estaba, de continent, dizieron que non podían entrar á ueerlo, que ocupado era en afferes; de la qual respuesta los de Nauarra fueron muyt despagados et su uoluntad et su propósito mudóseles diziendo: «Agora que non ys senyor non se nos lexa veer, ¿que fará quando seya rey?» Et muy indignados fueron á comer; et deptian los aragoneses como sacassen á Don Remiro de la mongía, et que fuesse Rey et ordenoron á cierto dia que fiziessen Corts en Monçon, et con aquesto partieronse todos los de las Corts. Et Don Per Ateres quando se cató, fincó engañado por su locura et relacion de malos porters.

Et pendient el tracto et término de las Cortes, los nauarros entre sí acordaron si les seria bueno que consintiessen por rey en Don Remiro el Monge et acordaron que no, por dos razones; la primera, que dudaban que Don Ramiro sabries regir el Regno, la seconda porque los nauarros se dupdauan del emperador Don Alfonso de Castiella, el qual muerto o perdido Don Alfonso de Aragon, luego querie ensayar Vitoria et otros lugares que yeran de Nauarra, el dupdauan que Don Remiro el Monge non lo sabies deffender como aquell que no yera seydo usado en armas, ni en actos de cauallería; la cual ys muyt neccessaria para Rey et princepe que regnas, et tierras ha deffender, et las perdidas cobrar, ó ganar de nueuo, con otras virtudes que ha de auer; et una dellas esta precipua.

Et por esto concordaron todos los nauarros, con consello de Don Sancho de la Rosa, vispo de Pamplona, et de Ladron Fillo de Ennego Veliz, et de Guillem Aznariz Doteiça, et de Exemen Aznarez de Torres, que enuiassen por el infant Don García fillo de Don Remiro, fillo de Don Sancho, rey de Nauarra que fué, el qual mató su hermano Remon, del qual se conta mas largament en la crónica de Don Sancho Remirez que murió en el sitio de Huesca. Et aquesti infant García yera sobrino del Cit Ruidiaz el criaualo en Valencia et yera buen cauallero; et sines voluntad de los aragoneses, embiaron por aquell. Assimismo de su cabo los aragoneses tractoron que enuiassen por Don Ramiro el Monge et cuydando seer seguros, como ya en Borja con los nauarros yera seido faulado de la cosa, enuiaron por licencia al Papa que por razon que regnasse Don Remiro Monge a falta de natal que le diesse licencia de sallir del Orden la qual licencia el Papa con grant deliberacion et matidad la dió, algunas coronicas dicen que no era en sacres órdenes.

Aquesti Don Ramiro ys contenido en priuylegio que ys en la iglesia catedral de Lérida; quando fué en edad chica por su padre el rey Don Sancho fué metido en el monesterio de San Ponz de Tomeras del Orden de San Benedito, et seyendo en aquell deuotament fué electo en abad del monesterio de San Fagundo et Primitiuo que ys en Castiella, de aquella mesma Orden de Sant Benedicto. Et seyendo electo de bueno en millor puyando, segun menciona, fué electo en ouispo de Búrgos, et enpues esto, fué electo en ouispo de Pamplona, et depues por contemplacion de su hermano el rey Don Alfonso el qual quería que fues perlado en Aragon, fué electo en ouispo de Barbastro et de Roda. Et seyendo aquí electo, non por codicia de honor mas por sola necessidat del Regno; fué clamado por rey de Aragon por los del Regno; otros dizen, que yera missacantano.

Et plegados á las Corts de Monço, los nauarros no uinieron allí, señaladamente Don Aznar Doteyça et Don Ffernan Enneguer Delet, que yeran de los mayors del Regno, et los que yeran allí plegados partiéronse desauenidos de las Córtes. Et encontinent los aragoneses leuantaron rey á Don Remiro et diéronle por muller la filla del conde de Piteus. Et por razon que sines consello de los aragoneses los nauarros auían levantado Rey, empeçaron de haber malquerencia vnos contra otros.

Et aquesti Don Remiro fue muyt buen rey et muyt francho á los fidalgos, de manera que muytos de los lugars del Regno dió á nobles et caualleros, et por esto no lo precioron res. Et fazían guerras entre sy mismos en el Regno et matauan et robauan las gents del Regno. Et por el Rey que non querian cessar aquesto et fué puesto en gran perplexidat como daría remedio á tanta perdicion del su Regno et non osaua aquesto reuelar á ninguno. Et por dar remedio al su Regno enbió vn mensagero al su monesterio de Sant Ponz de Tomeras, con letras al su maestro, clamado Fforçado que era seydo, porque ys costumbre et regla de monges negros que á todo nouicio que era en la Orden dan vn monge de los ancianos por maestro. Et segun la persona de aquesti Don Remiro que merecía dieronli el maestro muyt bueno et grant sauio; en las quales letras, recontaua el estamiento del su Regno et mala vida que passaua con los mayores del su Regno rogándole que le consellasse lo que faría; el maestro con grant plazer que había recebidas las letras pensó que sería irregular si le consellaua que fizies justicia, clamó el mensagero al huerto en el qual hauía muytas coles et sacó un ganiuet que tenía, et teniendo la letra en la mano et leyendo, talló todas las coles mayores que yeran en el huerto, et fincoron las solas chicas; et díxole al mesagero: «Vete al mi sennor el Rey et dile lo que has visto, que no te dó otra respuesta.» El qual mesagero con desplacer que respuesta non le había dada, vinose al Rey et recontole que respuesta ninguna non le había querido fazer, de la qual cosa el Rey fué muyt despagado, pero quando contó la manera que hauía visto, pensó en sí mesmo quel huerto podia seer el su Regno, las colles yeran las gents del su Regno. Et dixo: «Por fer buenas colles, carne y a menester».

Et luego de continent, enuió letras por el Regno á nobles caualleros, et lugares que fuessen á Corts á Huesca, metiendo fama que una campana queria ffazer en Huesca que de todo su Regno se oyese, que maestros hauía de Francia que la farian; et aquesto oyeron los nobles et caualleros, dixeron: «Vayamos á veer aquella locura que nuestro Rey quier fazer.» Como aquellos que lo preciauan poco; et quando fueron en Huesca fizo el Rey pellar ciertos et secretos hombres en su cambra armados, que fiziessen lo quél les mandaría. Et quando venian los richos hombres mandáuales clamar vno á vno á consello, et como entrauan assi los mandaua descabeçar en su cambra. Pero clamaua aquellos que le yeran culpables, de guisa que XII richos hombres et otros caualleros escabeçó ant que comies, et auria todos los otros caualleros assi mesmo descabeçados si non por qual manera que fué que lo sintieron, que yeran de fuera et fuyeron; de los quales muertos ende hauia los V. que yeran del linage de Luna; Lop Ferrench, Rui Ximenez, Pero Martinez, Fferrando et Gomez de Luna; Fferriz de Liçana, Pero Vergua, Gil Datrosillo, Pero Cornel, García de Bidaure, García de Penya, et Remon de Fozes; P.o de Luesia, Miguel Azlor et Sancho Fontoua, caualleros. Et aquellos muertos, no podieron los otros hauer que yeran foydos, sosegó su Regno en paz.

Et empezó contra Nauarra de plegar sus gentes diziendo que el regno de Nauarra deuía ser suyo et por sí hauian leuantado rey sines voluntad de los aragoneses. Et estíeron en batallas et en guerras bien un año. Et depues los prelados nobles et caualleros et gents populars del vn Regno et del otro, por tal que, paz et concordia fues entrellos, qui todos tiempos yeran seydos vnos en fortunas et en prosperidades, aplegoronse amigablement concordaron et eslieron tres homes buenos de cada vn Regno; de Aragon Don Cajal, Don Ferriz de Huesca, et Don Per Atarés; et del regno de Nauarra Don Ladron et Don Guillen Aznarez de Oteiça et Eximen Aznarez de Torres. Lo que ellos farían ni ordenarian cada una part hauies por firme et agradable.

Assi fué feito que los ditos árbitros se plegoron en Vadoluengo et los dreitos et razons allegadas de cada vna part convinieron en ciertos capitols ys á saber: quel rey Remiro, tuuies por fillo al rey García, et el rey Remiro, que fues sobre todo el poblo, et el rey García sobre todos los caualleros; et que la mal querencia quel enemigo del humanal linage hauía procurado et metido entre ellos et sus gents, hauiessen et leuassen contra moros. Empero que cada vn Rey conocies sus tierras assi como Don Sancho el mayor las auía departidas, la qual auiniença concordada et en escripto perpetua memoria metida publicaron aquella en Pamplona igualment á los Reyes de sus ditos; et aquella todo hombre la tenia por buena et agradable et aquella looron et aproboron et la diuision destos Regnos fué metida en el monesterio de Sant Iohan de la Penya, que alli fues perpetuo conseruada et ys oy en dia. Et el otro dia siguient, el Rito rey Remiro fué receuido, segun la conuinença de sus dita, por Don Sancho de la Rosa vispo de Pamplona con el su conuento, et por todo el poblo de la dita ciudad honradament procesion faciendo, et por el Rey et todo su Regno. Et depues rogó el dito rey García al dito rey Remiro que pues él era padre y él fillo, que le dies algo de lo suyo que heredas, assi como fillo deue heredar á padre; et el Rey Don Remiro con grant uoluntad que auía de complir las auinenças et non fallir aquellas, dióle Sarazan, Roncal, Cadreta et Valetra, á vida suya, con tal pero condicion, que depues muert suya, los ditos lugares, tornassen al Rey de Aragon. Et de aquesto, le fizo fer homenage.

Et acabó de III. días, seyendo en Pamplona, el dito Don Remiro, había de consello el rey García de Nauarra, que le demandas al Rey de Aragon que le soltas el homenage, que feito le hauia por aquellos lugares, et quando le hauies aquello suelto, que se le alças; et sinon lél quiries soltar, pues en su poder yera, que retenies al Rey de Aragon por preso, et fué assi ordenado. Et vno del consello del Rey de Nauarra, clamado Ennego Dayuar, buen cauallero, ueyendo la maldat, et que el Rey et el Regno de Nauarra de aquesto aurían gran infamia, fuesse de nueyte á la possada del Rey de Aragon et recontóle esto, et fué muy turbado et clamó Don Caxal et dos otros conselleros, et hauieron acuerdo, quel Rey se partiese dalli que no atendies el trato ordenado; et con V. de cauallo, amedia nuit, partióse de Pamplona et fuesse al monesterio de San Saluador de Leyre et lexó mandado que demañana todas sus gentes fvessen á éll, et assi lo fizieron. Et quando supo el Rey de Nauarra, fué muyto despagado, et entendió que sabía el su propósito el Rey de Aragon, de manera que pensó que quanto hauían adouado, que sería destorbado. Et empeçó de fer parellar el su Regno, cuydando hauer guerra con Aragon.

Aquesti rey Don Remiro tornado de Pamplona plegó sus gentes en Huesca, non con propósito de fazer guerra á Nauarra, mas por prouedir al buen estamiento del su Regno. Et ordenó era aquel justamiento de enuiar mensageros á Don Alfonso emperador de Castiella, fillo del conte Remon et de Doña Vrracha, filla del rey Don Alfonso de Castiella, el que prendió Toledo, á demandar consello et ayuda sobre aquello quel Rey de Nauarra le hauía tractado. Et semblantment sobre esto; que su hermano, el rey Don Alfonso Sanchez hauía nueuament adquirido la ciudat de Çaragoça, Calatayud, Daroca, Taraçona, Tudela, Borja, et todas las comarcas cerca aquellas, que solian ser de infieles moros, que quasi en poder montaua tanto como el su Regno Daragon; et non podía bien aquestas tierras dominar et quería su consello fauor é ayuda.

Et fué por legado et mesagero ordenado Don Caxal, el qual fiaua muyto de amigos de Nauarra, en special de dos que eran grandes hombres, con los quales fauló el rey Don García de Nauarra, que en todas maneras que hauier á sus manos presso Don Caxal, et que seria perdido el consello de los aragoneses, porque era Architofel, et tal era hauido su consello. La qual cosa vino adacabamiento et compañando los dos sobreditos de Nauarra fué preso el dito Caxal, entre Cirauqui et Ochoren, que son cerca el puent de la Reyna. Et quando el dito rey Don García auia en su poder el dito Don Caxal, muyt pagado, demandó de consello si lo mataría ó lo faría redimir, que hauia grant algo. Et fué por su consello acordado que fues redimido, et que poria hacer CC. ó CCC. hombres de cauallo, de la su redepcion, para la guerra que cuydaua auer con el Rey de Aragon. Otrosy rogó al vispo Don Sancho de la Rossa et al conuento de Pamplona que le diesen el trasoro de la iglesia de Pamplona et faría pellar CCC. de cauallo para la dita guerra et pora defender el su Regno, et fizóle otorgado et fueron aquellos pellados. Et Don Caxal fué redemido por grandes quantias, pora la qual redenpcion el abbat de Sant Saluador de Leyre vendié el trasoro de su monesterio, porque era grant su amigo; et Don Caxal emendó al dito monesterio et dióles quanto hauía en Tudela. Et non res menos, el dito rey Don García, fizo aquell dia conte en Pamplona á Ladrón fillo de Enego Veliz et fizo nobles et caualleros muytos, cuydando hauer la dita guerra con Aragon. Mas Dios que prouedeçe á los negocios et males, escusó que non fues la dita guerra.

En pues esto, el rey Don Remiro de Aragon enuió otro mensagero al emperador Don Alfonso de Castiella, por la dita mensagería que yua Don Caxal, et fué concordado entre ellos que por tal que la tierra sobredita de nueuo adquirida por Don Alfonso rey de Aragon, non se perdies, que fues liurada al Emperador, el qual yera muy poderoso et la podía bien defender et señoriar, et fuéle, con homenage, liurada á vida suya solament et depues dias suyas, tornar á la casa de Aragon, et fué feito assi.

Apres de aquesto el dito rey Don Remiro, queriendo proueyr que enpues dia suyos, dissension alguna non auies en la succession del Regno de Aragon, si fué tratado matrimonio con Don Ramon Berenguer comte de Barchinona, noble hombre en todos actos de cauallería, et regimientos de tierras et de gents, á la qual decían por bautismo Don Payronella, porque nasció en día de San Peyro. Et depues fué mudado nombre Dona Urracha et casóla con el dito noble Conte en su vida et dióle el regno de Aragon en casamiento, que succediessen en aquello, los fillos que auría de la dita su filla succesiuament. Et que por caso ninguno non podies allenar el regno Daragon en personas algunas sino en los fillos et aquellos que descendrían de su filla propiament. En el año de nuestro Señor, MCXXXVII.

Encaramas dióle limitado el regno de Aragon de parte de Castiella, á ssaber y'es: de Fariza, entro á Fferrera, et de Ferrera entro á Taraçona, de Taracona entro á Tudela, villas et castiellos de Tudela, ys assi quel rey Don Alfonso hermano suyo la prendie de moros, et dióla al Conte Alperche por honor. Et el dito Conte dióla por casamiento á su filla Doña Margarita, que casó con el rey García Remirez de Nauarra, et sobre esto sea feito segunt la donaçon del rey Don Alfonso. Otrosy Çarágoça Calatayud, Darocha et sus comarchas, dió al emperador Don Alfonso de Castiella, á su vida tan solament, con homenage, que le façia et otras posturas, por las ditas razones, todas aquellas cosas et homenage que lél fazía, fagan al dito Conte y enpués dias suyos, cobre la dita tierra; otrosi, de part de Nauarra limitra de Sancta Engracia del Puerto entro Broçal, con todo Roncal, que ys honor de Ruesta; et de Broçal assi como va el agua de Sarazar et caye en el rio de Ida, et parte Nauarra et Aragon, et se justa con arga et caye en Ebro, rio grande; dalli adelant como corre Ebro entro Tudela. Encara más, que empues dias del Don Garcia Remirez de Navarra, cobras aun Calasanz, Cadreyta et Valtierra, los quales poseía con homenage et dizia et mandauat aquesto, que non lexas por cobrar.

Todo esti Regno dió en casamiento con su filla, con las condiciones sobreditas. Et ya sea que li dies el dito Regno en casamiento, no empero renunciaua á la dignidad real, antes, de su vida fincaua rey et retenia porasi, la senyoria de todas las eglesias del su Regno et sobre los monasterios de San Saluador de Leyre, de San Iohan de la Penya et de San Victorian, et sobre todas las eglesias parrochiales, et mas appropriadament sobre San Per de Ciresa con sus pertenencias: diziendo estas parablas: «Maguerre yo dé a tu, el Regno, pero la mi dignidad real non lexo.»

Et feitas todas las sobreditas cosas, el dito Rey uiuie algun tiempo en buena et sancta vida como rey y el dito noble Conte de muitos treballos en el Regno lo escusaua et lo rigió bien, assin como cosa propria suya et herencia, et guardó toda aquella honor et reuerencia al dito Rey, como fillo á padre deue fazer, tanto que, nunca disension fué entre ellos auida, et finó en la ciudad de Huesca en dignidat real, anno Domini M.C.XXXVI. Pero recibió et tornó al abito de San Benedito á la muert, en el qual era profeso en el monasterio de San Ponz de Tomeras: et los sus capellanes ordenólos perpetualment seer beneficiados en la iglesia de San Pedro de Huesca et que diziesen las oras acostumbradas de monges negros, et huey en dia fazen aquel mismo officio los beneficiados que son allí; et fué enterrado en la dita iglesia de San Pedro en la capilla de Sant Bartholomeu.

Ys verdat quela tierra aquesti rey Don Remiro, dió á homenage al emperador de Castiella Don Alfonso, ys assaber: Çaragoça, Calatayud, Darocha, Taraçona, et sus pertinencias, porque la senyoriasse que nueuament yera adquirida de infieles, ya non querió rendir aquella al dito Conte de Barchinona nin rendir de su vida. Empero en el tiempo de su fillo, Don Alfonso el que primero se intituló Rey de Aragon, et Conte de Barchinona, noble persona en todos actos de caballería, cobró la dita tierra de Aragon, la qual tenía el emperador Don Alfonso de Castiella á omenage, segun en la su crónica ys contenido.

21. Cómo vino el regno de Aragón por fallimiento de heredero masculino a los comptes de Barçalona

Aquí femos fin et término á los Reyes de Aragon, et por tal como el dito Regno en defallimiento de heredero masculino prouino á Conte de Barchinona por ajustamiento matrimonial, veamos qui fué Conte primo de Barchinona; et depues de grado en grado de cada vn Conte segunt que deualloron el del otro, faularemos, et lur vida recontaremos.

22. De la chenealoxía d'os condes de Barzelona

Agora tractemos del començamiento del linage de los Contes de Barchinona. En el tiempo antigo, fué vn cauallero clamado Guiffré que fué de la villa Darriá, sitiada en la tierra de Conflent cerca el río de Ter: aquesti cauallero era muyt richo omne et muy bien auisado et muyt sabio, et por la su nobleza et prodeza, huuo del Rey de Francia, el Condado de Barschinona, de que era. Fué un tiempo, quel dito Conpte fué á la ciudad de Narbona, con su fillo que hauía nombre Guiffré Pelloso, por parlament con algunos mensageros del Rey de Francia, et estando aquí el dito Conte, huuo contrast con algunos caualleros del Rey de Francia, et en el dito contrast un cauallero frances ahontadament posó la mano en la barba del dito Conte, et el dito Conte de grant ira mouido, sacó la espada et mató el dito cauallero. Et aquí mismo grant multitud de franceses prendieron el dito Conte, et mientre presso se lo leuauan al Rey de Francia, el dito Conte queriendose vengar dela onta de la prisont, mouió batalla con los franceses qui preso se lo leuauan, et finalment mataronlo cerca la villa de Senyora Sancta Maria del Puch.

23. Del compt Iuyfré et de sus fechos

Et muerto el dito Conte los franceses se leuaron presso su fillo Iuffré Pellos al Rey de Francia et recontoronle como hauían muerto el Conte su padre, de la qual muert fué muyt despagado el dito Rey, por que era muerto por tal razon. Et dixo el dito Rey que grant perdida podía ser de su Regno en el tiempo auenidero.

A la ora, el Rey recibió el dito moço, et acomendólo al Conte de Flandres, et mandóle que lo nudries muyt diligentment et curosa. Et quando el moço huuo estada vn tiempo en la Cort del dito Conte et fué crexido, vna filla del dito Conte se enamoró del dito moço et finalmente emprennóla; et aquesto non supo home del mundo, sinon la muller del Conte su madre que lo conoció sotilmente. Et quando lo supo ya sea que fues dolenta et despagada dentro en su coraçon, empezó por esquiuar vergonna et desonor que lende podria seguir, como millor pudo cubrió celadament el prennado de su filla que ningun homne non lo conosció res. Et pensando pues quel mal era feito otro consello no se podía dar, albirando que á ningun home millor non la podria dar por muller que adaquel qui la hauía conocido carnalment si empero cobraua el condado de Barchinona, fizo fer sagrament al dito moço que si cobraua el condado de Barchinona prendria por muger su filla. Et tan tost la Condesa vistió el moço con vestiment de peregrino et con vna muller viella ella lo enuió á su madre en la ciudat de Barchinona. Et quando la madre lo vidó, fue muyt pagada et alegre et conosció que era su fillo. Porque pellos hauía en lugars do homs nondan acostupnado de hauer et por aquesto fué nombrado Peloso.

Et passados algunos dias la madre fizo ajuntar los barons et nobles de toda su tierra que hauian conocido su padre et li eran estados fieles et leals, et mostrols su fillo et quando lo vieron fueron ne muyt pagados et alegres, et pensaronse con quanta maleza era muerto su padre et aqui mismo ellos recibieron el dito moço senyor et le juraron fieldat seruir como a senyor.

Et depues todos los barons et nobles del dito condado se ayuntoron en vn lugar ensemble con el moço en vn lugar de Cataluña, dó fué Don Salamón, qui la ora era Conte de Barchinona, el qual era frances et quando todos fueron ajuntados el dito moço sacó la espada et mató al conte Salamon delant todos. Et en continent ensonyoriose del dito Condado, et aquel rigió et gouernó dela ciudat de Narbona entro en España mientre uiuió.

Mas tantost quel fué senyor del Condado remembrose de la desonor que hauía feito al Conte de Flandres et á su linage por la filla suya que hauia emprenyado, et estando en su Cort como fillo lur. Et queriendo observar el sagrament que habia feito á la muller del dito Conte que non prendia otra muller sinon su filla si el Condado á él venia, enuió sus mesageros solepnes en Francia por adozir la dita filla del Conte de Flandres esposa suya en Barchinona la qual fué recebida honrradament et muyt marauellosa.

Et depues de aquesto los amigos de la muller procuraron que aqueste conte Guiffré auies la gracia del Rey de Francia et la suya amiztad. Porqué el dito Conte, fué delant del Rey de Francia et recibió por él, el condado de Barchinona. Et como huuo estado luengotiempo en la Cort del dito Rey de Francia á grant su honor, huuo ardit que los moros treballauan la su tierra et que la hauían quási conquistada. Et aquesto entendido recontólo todo al Rey de Francia et demandóle consello et ayuda con que pudies gitar los moros de la su tierra. Mas como el dito Rey fues muy ocupado de otros afferes suyos respondióle que no le podia ayudar de res. Empero otorgogele que sí él lo podía conquerir la tierra que había perdido et deffender la otra que le auía fincado, que se fuesse suya perpetuament et de los suyos. Entro aquesti tiempo ningun varon no huuo el condado de Barchinona perdurablement. Sinon quel Rey de Francia lo comendaua aqui se queria á cierto tiempo.

Et quando el dito conte Guifre huuo recebida la gracia del Rey de Francia, él ajuntó grant multitud de gents de la tierra del Rey de Francia con las quals gitó los ditos moros del dito Condado, entro la ciudat de Lérida, et depues tuuo toda la tierra segurament a la suya uoluntad. Et por aquesta manera sacó el conte Guiffre el condado de Barchinona de poder de senoria de Francia, dó depues fué franco et quitio de toda sucjecion. Et tantost como el dito huuo gitado los moros de su tierra á honor de Dios edificó el monesterio de Ripol en el año de nuestro Senyor DCCCLXXXVIII; et aquel ennobleció de grandes donos et riquezas.

Aqueste conte Guiffre procreó de su muller IIII fillos; el vno huuo nombre Raolff et fué monge de Ripol et depues bispo de Urgel, et el otro fuiffré et murió con venjo,86 et fué soterrado en el monasterio de Ripol et el otro Miro que depues del dito Conte succidió en el dito Condado, et el otro Suñer et fué conte Durgel depues de su padre. Et aquesti fué el primo conte que jamás fues en Urgell. Et aquesti conte Guiffre fué muyt buen hombre et valleroso et benigno et puso en buen estamiento la tierra. Et murió en hedat de XL años, en el año de nuestro senyor D.CCCCXII. et fué soterrado en el monesterio de Ripol con grant honor.

24. Del compt don Mir

Muerto el dito conte Guiffre, succedió despues dél su fillo Don Miro, el qual Don Mir, regió el dito Condado simplement et bien XVIII años; et huuo III. fillos de su muller, et el vno hubo nombre Giffre, et lo otro Oliuano que fué conte de Bisuldu et de Cerdaña, et el otro Miro qui fué bispo et conte de Girona. El conte Don Mir de Barchinona murió en edat de XXXV años, en el año DCCCCXXIX, de nuestro Senyor, et fué soterrado en el monesterio de Ripol.

25. Del compt Sifre

Muerto el conte Mir fincaron del III. fillos; el vno huuo nombre Guiffre, et aquesti fué primogénito et succedió despues dél en el dito Condado; et el otro Oliuano et huuo por heredad los condados de Bisuldu et de Cerdaña, et Miro succedió á éll en el condado de Girona. Et aqui mismo estando conte, fué feito vispo. Mas por tal como los fillos eran en pupillar edat constituydos, fuéles dado curador, el dito Don Sonyer conte de Vrgel et tio lur, el qual gouernó los ditos condados bien et fielment, XX años. Et en tiempo de aquesti curador fué otra vegada edificado el dito monesterio de Ripol en el año de nuestro Senyor DCCCCXXXV.

Et passados los ditos XX años de la curaduria, los ditos fillos del de sus dito conte Mir fueron en edat que cada uno pudo regir su tierra, et el dito tío restituyogels assi como lur padre auia ordenado. Et á ssaber: Don Siffre el condado de Barcelona, et Don Oliuano los condados de Bisudo et de Cerdaña, et Don Miro el condado de Girona. Depues de aquesto el conte Señoro tornósende en el su Condado et á poco de tiempo él murió en el anyo de DCCCCL.I. de nuestro Senyor.

Et fué soterrado en el dito monasterio de Ripol et fincoron déll tres fillos, Borreu, Ermengon et Miro, et viuiendo los ditos Sifre, Oliuano et Miro en lur condados, fué posado sobrenombre al dito Oliuano, Cabreta, como en continent quel faulaua sanosament con alguno, nin dalguna cosa fuel yrado, siempre mouia el pié en semblança de cabreta qui quier cauar, et por exo la gent lo nombraua Oliuano Cabreta; aquesti conte Oliuano Cabreta fue varon muy poderoso et muyt sauio, entre los otros varons de la tierra. Et el dito conte Siffre regio el dito condado de Barchinona XV años sauiament et bien, et murió sin fillos en edat de L años, en el año de nuestro Senyor MCCCCLIIII; et fué soterrado en el dito monesterio de Ripol muy honradament.

26. Del compt don Borrel

Muerto el dito conte Siffré, no y fincó del ningun fillo, et succedió depués dél en el condado de Barchinona su cosino hermano Don Borrel conte de Vrgell, fillo de su tío Don Suñer. Et ya sia quel dito conte Sifré hauies hermano Don Oliuano Cabreta, Conte de Bisuldu et de Cerdeña qui segun razon et dreito deuia millor succeder al dito conte Sifre en el dito condado de Barchinona que non su sobrino hermano Don Borrell, empero non sabemos la razon porque se fizo, porque assi como lo trabamos assin en scripto lo significamos. Aquesti conte Borrel fué conte de Barçalona et de Vrgel, et gouernó los ditos condados por algun tiempo en paz et en tranquilidat. Et en tiempo de aquesti conte Borrel fué pressa la ciudat de Barchinona por moros do fué feita gran pestilencia et de grant crueldat en la tierra, en el año de nuestro Senyor DCCCCLV; et tantost el conte Burrel ajuntó barons, nobles et caualleros et gent de pié en grant multitud, et con la ayuda de Dios lançó fuera de Barchinona et de toda la tierra vigorosament los maluados moros. Et quando el dito Conte huuo recobrada la dita ciudad et la tierra por los moros ocupada, fué otra vegada et edificó el monesterio de Ripol en el año de nuestro Senyor D.CCCCLXVI.

En vida de aquesti conte Borrel murió Oliuano Cabreta su cossino hermano en el año de nuestro Senyor D.CCCC.XC; et fincoron dél III. fillos; el vno clamado Bernart et heredó del conte de Bisaldo; et lotro Guiffre, et heredólo en el condado de Cerdaña: et el otro Oliuano que fué monge de Ripol, et depues abat, et depues vispe de Vich et regidor del monesterio de Sant Mixel de Cuxa. Et el dito conte Burrel depues que houo cobrada la ciudad de Barchinona gouernó el dito condado XXVII años, et murió en edat de IXXX años, et fué soterrado en el año de nuestro Senyor DCCCCXCII. años, et ffincoron, dél dos fillos Remon Burrel et Ermengon.

27. Del compt don Remón Belenguer.

Muerto el dito conte Burrel, succedió á éll en el condado de Barcilona Remon Burrel, et en el condado de Vrgel Narmengon suyo fillo. Aquesti conte Remon Burrel por exalçar la fé xpistiana por destruir la seta morisca, fué en Cordoua contra moros et con él fueron Arnolff vispo Dosona, et Don Echio vispo de Barcelona et en Ocho vispo de Girona et muytos nobles barones entre los quals y fué Narmengol, en la batalla que ouyeron con los moros, como buen cauallero murió en el anyo de nuestro Senyor Mil. I. Et de aqui adeuant por tal como murió en aquesta batalla fué nombrado Ermegon de Cordoua. Empero fincó dél, un fillo clamado Ermengon qui sucedió depues en el condado Durgel á cabo de unos dias. Et el dito conte Borrel tornó sano et saluo de la dita batalla con grande honor.

Et las oras era conte de Bisuldu Bernardo Trenchaforte, et por aquesto era assi clamado porque era baron bueno, armado et muyt fuert et valient en armas. Et assin mismo era conte de Cerdeña Guiffre su hermano, el qual edificó el monesterio de Caniego, et aquel enrriqueció de muytas posesiones notables, et engendró de su muller V fillos, el primero nombrado Remon Guiffre (gufredi) qui depues muere de su padre succedió en el condado de Cerdeña; el secondo Guiffre Guffredi, qui fué vispo de Naruona; et el III. Berenguer Guiffré, qui fué vispo de Girona; el quarto Guillem Guiffré qui fué conte de Bargada. Et el de suso dito Remon Burrel conte de Barchinona tuuo su condado XXV. años et murió en el año de nuestro Senyor M.XVIII. en edat de L. años, et fué soterrado en el monasterio dé [...] fincó dell vn fillo que fué clamado Berenguer.

28. Del compt don Belenguer

Muerto el dito conte Remon Borrel, fincó heredero vniversal en el dito condado de Barcelona el dito Berenguer, fillo suyo en tiempo del qual conte Berenguer, Bernardo Trenchaforte conte de Bisuldu passando el rio del Royne por gran desauentura cayó en el agua et murió, en el año de nuestro Senyor Mil XX, et fué aducito el su cuerpo al monesterio de Ripol, et aqui se soterró. Es verdad empero que touo su condado XXXI. años et procreó de su muller un fillo nombrado Guillem Bernat Gordo el qual fizo heredero de su condado. En tiempo de aquesti mismo conte de Barchinona Berenguer sobredito, Guifre conte de Cerdeña murió en el año de nuestro Senyor MXXV. et gouernó su tierra XXXVI. años; et fué soterrado en el monesterio de San Martin de Camago, el qual el mismo habia edificado.

En tiempo encara de aquesti mismo conte Berenguer de Barchinona, Nolibano vispe de Vich, fillo de Don Oliuano de susodito, con grant compañya de vispos, prelados et religiosos muyt honrradament reedificó el monesterio de Ripol la quarta vegada en el año de MXXXII; et aquel ennoblesció de muytas heredades et basteció á la iglesia del dito monasterio et enrriquió et ornó el altar mayor del dito monasterio, et decoró con esmeraldas, safires, robices et carboncles, et otras piedras preciosas. Et el dito Conte de Barcelona procreó de su muller III. fillos, el uno fué nombrado Remon Berenguer, et succedió depues dél, en el dito condado et el otro Guillem Berenguer, et fué conte de Manresa, et gouernólo bien segunt su poder, et murió sin fillos. El otro Sancho Berenguer, et fué prior de Sant Benedit de Bages, qui la ora no yera abbadia, et quando murió soterraronlo aqui. Aquesti conte Berenguer de Barchinona fué home que non fizo res de bien, ánte fué el sotil conte que nunca fué de Barcalona et regió el dito condado XVIII. años; et murió en el año de nuestro Señor MXXXIIII, en edat de XL años, et fué soterrado en él.

29. Del compt Remón Belenguer Viello

Muerto el dito conte Bellenguer, fincoron dél, III fillos de suso nombrados, et fué conte depues dél Remon Berenguer, Viello, el qual fué muyt noble varon et muyt excellench, et uvo tanto de poder entre los barons de España et entre los moros, que XII Reyes de España le fizieron tributo cada vn año, mientre que bivió. Aquesti noble varon queriendo diuulgar et ennoblecer la suya fama et justicia fizo celebrar concilio general en la ciudat de Barcelona en la qual fué Nuch, cardenal et legado de Roma, bispes et prelados, barons et nobles de Cataluña; et con consello de los quales el dito varon establió por sí mismos dreitos qui son agora clamados Vsages por las quals fué et es regido el dito Condado.

Aquesti valient baron procreó de su muller III fillos de los quals el primero fué clamado P. Remon, el secondo Berenguer Remon, el tercero Remon Berenguer; el primo et el segundo assi como á vipas qui natalment quando naxen matan lurs madres. Et porque el dito P. Remon mató la su madastra Nadalmurs, por el qual pecado el dito P. Remon murió en España sins fillos, et la hora era conte en Vrgel en Armegon Perigrí, et por tal fué assi clamado porque murió peregrino en la ciudat de Iherusalem en el año de nuestro Senyor M.XXXVIII anyos. Et regió el dito condado de Vrgel XXXVIII. años, mas fincó un fillo dél, qui fué Narmengon de Barbastro. Et por tal fué assi clamado como fué en el sitio de Barbastro, do fizo muyt bien sus affers; et gouernó su Condado XXVIII. años, et murió en el año de nuestro Senyor M.LXV; empero huuo vn fillo que home lo clamaba Armengon de Gerb. Por aquesto fue assi nombrado porque basteció vn castiello que ys çerca Ballaguer clamado Gerb con el qual conquistó la ciudat de Balaguer.

Viuiendo en cara el noble varon Remon Berenguer conte de Barçelona, era conte en Bisuldu, Berenguer Guillen Gordo, fillo den Bernart Trenchaforte et regió el dito condado de Bisuldu, XXXII años. En vida de aquesti Ramon Berenguer conte de Barçalona el dito Guillem Gordo murió en el año de nuestro Senyor MLII; fué soterrado en el monesterio de Ripol en el vasso de su padre. Aquesti conte Berenguer Guillem Gordo, engendró en su muller dos fillos Guillem Gordo Croy qui huuo la nariz tuerta et plana, et en Berenguer Guillem qui succidió en el dito condado de Bisuldu por tal como era benigno varon et piadoso, et el hermano Guillem Croy por tal como era hombre furioso algunos varons mataronlo, era conte de Cardanya en Remon, fillo de Don Guiffre, et tuuo su Condado XL. años, et murió en el año de nuestro Señor M.LXVIII, et fincaron dél dos fillos, el vno fué nombrado Guillem Remon et el otro Enrrich.

Muerto el dito Remon conte de Cerdaña, fincó heredero en el dito condado Guillem Remon su fillo, el qual procreó de su muller dos fillos Guillem Jordan et Berenguer Guillem. Et el dito Enrich hermano del dito Guillem Remon fué muyt noble cauallero et engendró dos fillas la una muller del Conte de Pallars, et la otra del Vizconde de Laltres, et el sobredito valoroso et noble varon Remon Berenguer, conte de Barcelona, regnó en el Condado XLII años, et murió en edad de LXXX años, en el año MLXXVI de nuestro Senyor. Et fué soterrado en la Seu de Barcalona et instituyó heredero suyo, el tercero fillo suyo Remon Berenguer.

30. Del compt Remón Belenguer

Muerto el dicto Remon Berenguer Viello, regnó su fillo Remon Berenguer, el cual varon fué noble ét muyt ardido en armas et fué ome benigno, dulz et piadoso et alegre, et proz et fué muyt bello de cuerpo, por tal como hauía grant espesseza de cabellos á la cabeza fué clamado Cap. de estopa; et huuo por muller la filla de Rebert Guisarch, duch de Pulla et de Mecina, de la qual procreó vn fillo qui huuo nombre Ramon Berenguer. Et la ora viuía el conde Ermengon de Gerb. conte de Urgel de susodito. Et en el condado de Bisuldu Bernart Guillem, fillo Denguillem Bernart Gordo et en Cerdaña Guillem Ramon.

Et regnando el dito conte Remon Berenguer en el dito condado de Barchinona, Don Berenguer Ramon su hermano mouido de grant inquidad et inuidia, porque lur padre hauíale mas honrrado que a éll, vn dia yendo el dito Conte por su camino, en vn lugar que ys clamado Peita sitiado entre Girona et Sant Celóni mató el dito Conte. De la qual cosa toda la tierra huuo gran duelo et desplacer. Mayorment como por tal razon yera muerto. Et encontinent toda la tierra se leuantó contra el dito Berenguer Ramon el qual entendia seer conte. Et muyt vilment gitáronlo del Condado. Por aquesti pecado el dito Berenguer Remon perdió la faula et fué muyt vituperado et yrado por todo el mundo et fuesen en Iherusalem et murió pelegrino. Et el dito Remon Berenguer Cap destopa regió el condado VII años et murió en edat de XXV años; en el año de nuestro Senyor MLXXXII, et fué soterrado en la Seu de Girona.

31. Del compt Remón Belenguer

Muerto el dito Remon Berenguer Cap destopa, los nobles varons de Cataluña por conte eslieron Don Ramon Berenguer fillo suyo, el qual fué varon muyt largo, piadoso et muyt buen armado et huuo por muller Ena Dolza, filla de Don Gizbert conte de Probença et de Milan et ajuntólos al condado de Barchinona. Et el dito comte Ramon Berenguer procreó de su muller una filla que dió por muller á Don Alfonso emperador de Toledo, della yxió liuada real et muyt noble. Aquesti conte sitió la ciudat de Mallorqs con nauilio de Pissa et finalment prissóla, et huuo muytas batallas con moros et obtuuo todos tiempos dellos victoria. Aquesti varon conquistó muytos castiellos fuerças et nobleças de moros, et huuo tributo de los princeps de Valencia, de Tortosa et de Lérida; et engendró de su muller dos fillos, Don Remon Berenguer et Don Berenguer Remon. Et en vida de aquesti conte Remon Berenguer era conte Durgel Narmegon de Agerb. El cual murió en el año de nuestro Señor MXCII, et tuuo su condado XXVIII años.

Et depues él, succedió en aquel Condado su fillo clamado Enarmengon, el qual gouernó el dito condado XI años. Et por tal como con CCC hombres á cauallo et con muyta gent de pié murió á Mallorquas, fué clamado Ermengó de Mallorquas; et murió en el año de nuestro Senyor M.C.II, del qual fincó un fillo qui huuo nombre Ermengon de Castiella conte de Urgel. Et por tal como estuuo luengo tiempo en Castiella en la heredat de su madre fué nombrado Ermengon de Castiella: et era conte en Cerdaña, Don Guillem Remon, et gouernó su condado XXVIII años et murió en el año de nuestro Señor MXCV. Empero fincó heredero en su condado su fillo Guillem Iordan el cual depues que fué muerto su padre fué en la tierra de Iherusalem et aquí el fizo muytas noblezas et fué varon muyt noble et muy ardido en armas. Et fué muyt touido por cruel por los turcos et por los moros otros que lo temían ultra toda manera. Et aquesti conte G. Jordan basteció un castiello qui es clamado Arquas el qual ys cerca del castiello de Tripol, et aqui fué ferido con sayeta, el qual murió sin fillos.

Et depues dél fué conte en Cerdaña su hermano Don Berenguer Guillem, el qual el dito condado de Cerdaña tuuo XVIII años, et murió sin fillos en el año de nuestro Senyor M.CXVIII; et lexó al dito condado de Cerdaña al dito Don Ramon Berenguer conte de Barchinona, era assi mismo conte de Bisuldu, Berenguer Guillem, el qual tuuo el dito condado LX años. Et en vida del dito conte Remon Berenguer de Barcelona él murió en el año MCXI. de nuestro Senyor et fué soterrado en el monesterio de Ripol. Et por tal como murió sins fillos el condado de Bisuldu tornó al condado de Barçalona. Et el desusdito Remon Berenguer se fizo intitular conte de Barçalona et marques de Probença, et fué ome de grant justicia et amador de pas et regnó L. años, el estando en sana sanidad et en su buen entendimiento, renunció a los bienes temporales et heredó del condado de Barcelona á su fillo Don Ramon Berenguer et del marquesado de Prouença al otro fillo Berenguer Remon, depues quando huuo heredado sus fillos, rendióse á la Orden de la caualleria de Iherusalem et conoció et sabió el dia de la su muert, et queriendo sin proprio, passó desta vida en la casa de los pobres de Barçalona en edat de LXX años en el año de nuestro Senyor MCXXXI. et soterraronlo muyt honrradament en el monesterio de Ripol.

32. De cómo don Remón Belenguer como fue rey de Aragón et compt de Barcelona

Muerto el dito Remon, regnó su fillo Remon Berenguer de sus dito el qual fué muyt noble varon et de grant probeça, et de grant saber, et de muyt grant engenyo, et de gran consello, et fué natalment de grant corage, et ardido, et proz, et sotil, et muy firme en su entendimiento, et muyt sauio, et hauía todos los feytos muit complidos, et hauía muit bella persona et grant, et los miembros suyos muy marauellosos et concordants et muy bello de persona; assi ninguna beldat, ni ningun bien non le fallía, antes fué muyt noble, et muy virtuoso en toda su vida. Aqueste muy noble varon, prissó por muller la filla de Don Remiro rey de Aragon nombrada Peronella et depues fué nombrada Vrracha, con la qual prisó el dito Regno en axuar en el año de nuestro Senyor M.C.XXX.VII.

Aquesti varon fué á la conquista de Almaria con el Rey Don Alfonso de Castiella, et grandes gents de Génoua et vinieron por mar; et se clamaua Princep de Aragon et Conte de Barçelona, que non quisieron consentir los aragoneses que se clamasse Rey mas su fillo Don Alfonso se clamó Rey. Aquesti varon noble estruyó la ciudat de Almeria con homnes á cauallo armados tan solament; auía dentro en la Ciudat XX mill. moros; et possó las sus tiendas cerca de los muros de la dita Ciudat:. Et como fué venido con las sus gents, fué esmarrida muito la gent de la dita Ciudat, tanto que toda la conquissó la qual fué conquiesta en el año de nuestro Senyor M.CXLVII.

Et depues quando el dito viaje fué venido, sitió Tortosa con genobeses, con II mil omes d'armas, convatiendo fuerment la dita ciudat de Tortosa et finalment prisola en el ayno de M C XL VIIIº; et edificó aquí yglesia episcopal. En el aynno siguiente sitió la ciudat de Lérida et fu y de entre los barones e nobles Narmegon de Castilla, compte d'Urgel; et quoando fuerment fue convatida, prisola en aquel mismo día en el otro aynno siguient, es asaber en el ochen día en las kalendas de novienbre. Et depués conquistó Fraga, Miraut castillo muy fuert, en el aynno de M C LIIIIº. Et depués conquistó Siurana muy maravellosa fuerça e toda la muntania, e muytos de otros castillos e fuercas que son la ribera de Ebro, e finalment de Tortosa fasta Çaragoça; exalço en nombre de Ihesu Christo bien por CCC yglesias.

Et depués el desus dito compt Urgel, Narmegon de Castilla, murió en el aynno de M C LVIIª e tovo el condado suyo LIIII aynnos; et fincó del un fillo clamado Ermegon, el quoal suçidió en el dito condado d'Urgel depues de la muert de su padre. Aquesti barón virtuoso compte de Barçalona, quoando supo que su hermano Ramón Belenguer marques de Proeniça fue muerto, el quoal murió por corsarios de la mar en el puerto de Malguir, enseynnoreose del dito marquesado et recevió un fillo del dito marqués e nieto suyo por nodrirlo, e rigió el dito marquesado muy bien; e destruyó la ciudat de Arles, que él hera muy contraria, en la quoal derrocó muytas torres e fuerças; et tollió XXX castillos a los Baurches que heran sus enemigos; e basteció maravelloso castillo de fusta sobre navilio en el rio del Royne en el quoal metió II cientos cavalleros e fizo el dito castillo levar por el rio con cuerdas delant el castillo de Carcataia, et dio tan grant terror al dito castillo que de continent se rendió e fizolo derrocar. Et tantost fizo por manera que el emperador de Alamayna dio su nieta por muller al nieto de aquesti noble barón, et ovo el ducado de Proenica del dito emperador para todos tiempos.

Aquesti noble barón procreó de su muller dona Perona, qui depues fue clamada dona Urraca, dos fillos: Alfonso, que sucedió depués en el condado de Barcalona e su madre en el regno de Aragón, et don Sancho en los condados de Rosellón e de Cerdeyna; et dos fillas, la una dio por muller a don Sancho, rey de Portogal, et la otra dio a don Ermegon compte desus dito. Aquesti Remón Belenguer, compte de Barçalona, regnó XXX dos aynnos e finó en el barch de Sant Dalmau cerca de Tenua en Lonbardia, en el aynno de M C LXII en los ydus de agosto, do dexó grant ploro al pueblo e grant periglo a la tierra e goyo a los moros e desolation a los pobres e sospiros a los religiosos. Et en la ora de su muert sallió el ladrón de su cueva et el rovador se demostró et el pobre se escondió e la clerizia calló e los lavradores fueron rovados et el enemigo se ergulló e enterrado el su cuerpo en el monesterio de Ripol con grant honor.

33. De cómo el rey don Alfonso lexó armas de Aragón et priso bastones

Muerto el dito compte e princep Remón Belenguer, que fue rey de Aragón e compte de Barcalona, sucidió su fillo don Alfonso el Casto e por aquesto fue nombrado el Casto, porque sobre todas las virtudes ovo esta; el quoal fue fincado muy chico. Depués muert de su padre, porque la tierra estava en grant peligro por la su grant juventud del dito rey don Alfonso, et el compte de Proenica cosino hermano suyo, clamado Remón Belenguer, por reverencia de su padre, del quoal avía reçevido muytas gracias e honores en el tiempo pasado segunt que desuso avemos recontado, vino a la ciudat de Barcelona por suplir el defallimiento del rey sobredito entro a que por si mismo pudies regir su tierra saviament e bien. El quoal compte Remón Belenguer governó los ditos regnos e condados muy bien e provechosament dos aynnos, e nudrió e industrió al dito rey a regir la tierra al millor que pudo varonilment. Et passados los dos aynnos, algunos aferes se crecieron en el condado de Proenica porque el dito compte avía desanparar el dito regimiento de los ditos regnos e condados e tornose a su condado. Quoando fue en el dito condado convinole aver batalla con los ommes de Niça, en la quoal fue ferido muy greument; porque murió sin fillos pervino el condado de Proeniça al rey don Alfonso qui encara era muy chiquo.

Et estando el rey en esta chigueza, el compt Remón de Tolosa fizole muytas injurias de las quoales estuvo en penitencia. Depués de algún tiempo, aquesti don Alfonso soltó el omenage que avía fecho a su padre quoando lo tenía en poder de don Alfonso de Castilla segunt recuenta en la ystoria del rey Remiro el Monge. A la fin seyendo el rey de Castilla en grant cuyta que los moros le tenían Cuenca cercada, enbiole a rogar al rey don Alfonso de Aragón e que le fuese a decercar aquella, soltóle e quitóle el omenage e los lugares que él e los lugares le heran tenidos, et como buen cavallero remedió al sitio, do partió con grant honor e vitoria e mudó las armas e seynnales de Aragón e prendió bastones.

Aquesti rey don Alfonso prendió por muller dona Sancha que fizo el monesterio de Sixena, filla del grant emperador don Alfonso de Castilla. Et pobló Teruel e ajustó los condados de Rosellón e de Pallás al condado de Barcelona. Et esdevinose por delant que quoando el dito rey quiso entrar en el condado de Proenica por visitar aquél e conocer et fuese en el castillo de Albayón do era venido a posar don Nuch arçobispe de Caragoça et con don Pero vispo de Vich, et don Ramón compte don Tolosa, no contento de las injurias que ante le avía feytas, tollió el dito castillo de Albayon al dito rey. Et por voluntat de Dios vino don Beltrán d'Albaus et puyó con el dito rey don Alfonso en el cavallo e, pasado el dito rio de Royne, vinieron sende en el castillo de Arlet do fue reçevido muy onrradament. El quoal Beltran d'Albus libró al rey grant partida del dito condado de Proeniça et, en continent, enseynoirose del dito condado de Proeniça, el quoal regió mientre vivió muy libralment e poderosa; et pobló aquí muytos castillos entre los quoales es uno clamado Colio. Et depués regnando el dito rey e condados, el dito Beltran d'Albaus murió por algunos traydores en el dia de Pascoa e fue levado el su cuerpo a soterrar a la eglesia de Magalona en el aynno de M C LXXXIº; de la muert del quoal el rey fue muy yrado e despagado, e no queriendo estar reposo de desconocençia por el seynnalado servicio que el dito Beltran d'Albaus le avía feyto en el tiempo pasado, encoraxóse del dito compte, vino a sitiar un castillo do los traydores que avían muerto el dito Beltran se heran recullidos, clamado Mocuel, finalment que con fuerça d'armas priso aquél, e con gladio de espada fizo morir los ditos traydores, los quoales se heran enseynnoreado de muytas fuerças de Proeniça. Et en continent recobró toda la tierra e aquella tovo mientre vivió paçificadament.

Et depués el dito balient rey, queriendose bengar de las injurias que el compte de Tolosa le avía feytas, ajuntó grant gent assí de cavallo como de pie e muy vigorosament et espierto veno a la ciudat de Tolosa, seynna tendida, talando, destruyendo villas, lugares e tierras del dito compte de Tolosa. Et estovo algunos dias delant la dita ciudat esperando al dito compte de Tolosa si quería exir a batalla, et depués que a batalla no le quiso sallir, partiose de aquí con grant honor e fue a ver al rey de Inglaterra. Et a la tornada pasó por la tierra del dito compt de Tolosa cremando e afogando aquella, et senblament se atendó de la dita ciudat de Tolosa por dar mas desonor al dito compte, et partiendo de aquí grant espanto, tornose a su tierra con gran honor.

Et tantost huvo guerra con todos los reyes de christianos, es asaber de Espaynna, e toda vegada ovo vitoria e honor. Et en special ovo guerras muytas con el rey de Castilla, e una vegada con grant huest esvayó e destruyó grant partida de Castiella; de la quoal invasión fue el rey de Castilla muy dolient et fizo grandes ajuntamientos de compaynnas de cavallo e de pie e vinose a la villa de Soria et entró en la tierra del dito rey don Alfonso prendiendo e matando ommes e fenbras e ganados et todo quoanto rovar el continent. El dito rey don Alfonso de Aragón, saviendo aquesto, moviose cuytadament del lugar do hera, de mueyt ni de dia no aturó ni posó fasta que fue cerca de los enemigos, et esperando hora convinent, firió vigorosament en la huest de los enemigos et aquellos vinció, e desbaratando e ultra aquellos que y murieron, captivaron ne IIIIm, e todo lo que avían les tolló e les prendió, e con grant vitoria se tornó al lugar de dont era partido.

Aquesti don Alfonso procreó de su muller III fillos e III fillas, es asaber: don Pero, que depués dél sucidió el regno de Aragón e los condados de Barçalona e de Besaldu e de Cerdeynna, Rosellón e Pallas; et Alfonso que sucedió en el condado de Proeniça; e Ferrando que fue abat de Montaragón. De las fillas, la una ovo nombre Gostanca e fue muller del rey d'Ungría, et por tal como el rey de Ungría murió luego, la dita Gostanca se tornó en Aragón; et a la otra Leonor e a la otra Sancha.

Et tantost por la discordia que hera entre los reyes de christianos, algunos reyes avian feyto paz e tregoa e amiztad con los moros; porque el papa Celestino, queriendo que paz e amor entre los christianos, mandó al dito rey don Alfonso e a los otros reyes de Espayna que no oviesen tregoa con los moros, mas que todos amigablement se aveniesen e fuesen contra ellos. Et el dito rey don Alfonso, reçevido el dito maestro apostolical, propuso en su coraçón que a onor de Dios fue a Sant Jayme fiziendo romeage, si podría meter paz e amor entre los reyes de Espaynna christianos; assí como se lo ovo pensado, assí lo miso en obra, e faziendo romeage, fizo concordia e paz entre los reyes de Espaynna por los quales fue feyta grant honor al rey. Et aquesto fizo porque pudies complazer a Dios e al maestro apostolical ovedir, pero no los pudo todos aver mas la mayor partida. Et quoando lo ovo complido su prometimiento e voto, los demas de los reyes de Espaynna inclinados e indutos a paz e concordia, tornose en su tierra, en la quoal él avía grant carestia e las gentes murían de fanbre.

Et visitandose assí la su tierra, vinose en la villa de Perynia en la quoal tuvo parlamiento con los de Proeniça nobles e barones. Et la ora hera compte d'Urgel Narmegon, el quoal murió en la ciudat de Valençia con don Galçaran de Salas su hermano por christianos en el ayno de M C LXXXIIII.

Et depués de algún tiempo, estando el dito rey don Alfonso en la villa de Perenia, fue movido de greu maulatia e hordenó su testament e restituyó heredero en el regno de Aragón et en los condados de Barçalona, de Rosellón, de Çerdeyna, de Besaldu, de Pallas al dito don Pero; en el condado de Proeniça su fillo Alfonso. E pasó desta vida aquí mismo gloriosament et estando en hedat de XXVIIe aynnos, en el aynno de M C XCVI et fue aduyto el su cuerpo al monesterio de Poblet, el quoal nuebament avía hedificado.

34. Del rey don Pero el Católico et de sus feytos

Muerto el rey don Alfonso, regnó depués dél en el regno et en los condados ya desuso singularmente nombrados su fillo don Pero el Católico, por aquesto fue amador de la yglesia; en el condado de Proenica su hermano Alfonso, el quoal fue muy noble barón e ovo por muller la nieta del compte de Folcalquer, de la quoal procreó un fillo que ovo nombre Remón Belenguer.

Aquesti rey don Pero fue barón muy curial, noble, balient, largo e proz e muy espierto, et todo quanto podía auer en qualquier manera todo lo daua, en tanto que obligó et metió peñoras, castiellos, villas et rendas suyas, porque pudies complir lo que hauía en coraçon et en volalutad. Aquesti valient rey Don Pedro, casó todas sus hermanas. Porque la primera que hauía nombre Gostança, dió por muller á Fredrico Rey de Sicilia, el qual fue entrade poco tiempo emperador de Alemaña, et procreó della, un fillo clamado Enrich; aquesti murió en Palermo. El qual Enrrich quando fué grant, huuo por muller la filla del Duch Daustria. Et por tal como aquesti Enrich se levantó contra su padre el emperador Fradrico, segun se decia, estuuo preso por mandamiento de su padre en cárcel, en la qual murió sin fillos. La seconda hermana Elionor dió por muller á Remon conte de Tolosa de la qual fillos non fincoron. Et la tercera Sancha dio al fillo del dito compte de Tolosa e procreó della una filla, la quoal fue muller de Alfonso, compte de Pitheus, hermano de Lodevic, rey de Francia. Et sucedió en el dito condado de Proeniça el su fillo Remón Belenguer.

Et el desus dito rey don Pedro priso por muller, la filla del noble princep Don Guillem de Montpeller clamada María, nieta del Emperador de Costantin noble, de la qual procreó un fillo que fué nombrado Jaime. Et por aquesti ajustamiento matrimonial peruino la baronía de Montpeller a Rey de Aragon.

Aqueste rey Don Pedro cobdiciando exalçar la su fama visitando los santuarios de los Apóstoles muy deuotament, fué honradament en Roma en tiempo del Papa Innocent tercero. Et el Padre Santo, vidiendo la nobleza del dito Rey, coronó et untó aquel con grant honor, en la iglesia de Sant Patrici. Et la hora el dito Rey a honor de Dios et de la santa eglesia de Roma dió el iuspatronado que hauía en todas las iglesias de toda su señoría. Et daquia la hora, el Padre Santo ni otro prelado non podía dar alguna de las iglesias de sus regnos sin consentimiento del rey de Aragon. Et por aquesta donacion el Padre Santo por honor de la casa de Aragon constituyó quél y todos sus successores leuassen un papallon feito á señal del rey de Aragon. Et á tiempo quando fué coronado en Aragon los nobles et caualleros de Aragon, dizieron que aquel renunciamiento non vallía porque la gracia del priuilegio se estendia assi nobles como caualleros de las iglesias de sus lugares et el dito Rey dixo quel su dreito a auía renunciado, et non de los nobles et caualleros; et fizieron sus cartas et protestaciones; el traslat del qual priuilegio y's en el monesterio de Sant Iohan de la Penya, que lo retinieron, que allí era el priuilegio original.

Et aquesto feito el dito Rey, partióse de aquí et passó por la tierra de la Provença dó oyó dir quel conde de Folçaquer tenia preso al Conte de Probença, hermano del dito Rey de Aragon a grant traicion. Et en continent el dito Rey aiuntó los barones de Probença et con ellos ensemble corrió toda la tierra del dito conte de Folçaquer. Et finalment recobró el dito Conte de Probença á su querer. Et mientre sende tornaua et fué en la villa de Montpeller, fué grant discordia entre ell dito Rey et los homnes de la dita villa. Por la qual discordia muitos mals et enoyos et dampnages se estendieron entre el dito Rey et su muller. Et por aquesto el dito Rey se esforçó quel casamiento dél, et de su muller se departiesse et por aquesta razon, la dita Reyna fué en Roma et delant del Padre Santo propuso sus clamos la dita Reyna. Mas finalmente el dito Padre Santo por dreyto pronuncio quel dito matrimonio non se podía deseparar nin departir, et á mayor firmeza confirmó el dito matrimonio. Et aquesto feito la dita Reyna finó aquí sus dias et deuotament et humil rendió la su ánima a Dios. Et fué soterrada muyt honrradament en la iglesia de San Pedro çerca del altar de Santa Petronila. Et por mérito de aquesta Reyna Dios le fizo muitas gracias, porque miraglos fizo Dios en su vida et depues su muert.

Aquesti Rey fué en grant amiztat con el rey Alfonso de Castiella et quando fué vencido en la Dalarcos por los moros que murieron bien LX mil xpistianos, su tio Don Fernando, rey de Leon, et Don Sancho, rey de Nauarra, corrieron et estragaron el regno de Castiella. Et rogó al su caro amigo esti Don Pedro, rey de Aragon, que le fuese adayudar, sino perdido hauía el Regno. Et fué con grant poder en ayuda suya et amos ados estragaron el regno de Leon et cobraron lo que habian perdido.

Depues el Rey de Castiella vino sobre Nauarra et prendió toda Ypuzcoa, Alaua et Vitoria et otra grant tierra. Et el rey Don Pedro val adayudar de guisado quel Rey de Nauarra lexado el regno passó la mar, et feita á tiempo amistat el rey de Aragon tornó lo que presso hauía. Et el Rey de Castiella retuuoselo todo en aquella paz et oyo en dia lo reciuie de Nauarra, et fué con el vencedor en la grant batalla de Hubeda, en la qual fué muyto marauelloso batallero et huuo dos tiempos la su entencion de subjugar moros. Et fueron con él Don García vispo de Çaragoça, Don Bellenguer el otro de Barchinona, de ricos homes Don García Romeu, Don Exemen Cornel, Don Miguel de Luesia, Don Aznar Pardo, Don Guillem de Ceruera, el conte Dempurias, Remon Folch é Guillem de Cardona. Et el primo que puyó el muro de Vbeda fué un escudero de Don Lop Ferench de Luna, segun la crónica de Don Rodrigo, que alli era; et depues tornóse en su tierra con gran vitoria et honor et tantost prissó el castiello Fabib et ademuz los quales ajustó á su Regno.

Tollido encara á los ditos moros el castiello de Calatraua et otros castiellos et finida la batalla fué Luns XVII. dias de Julio era M.CCL, passó con todos sus caualleros et con su gent ultra los puestos de Aluladar et el lugar clamado Lauds de Tolosa do vinció Miramamoli et toda su huest, los quales encalço por todo vn dia et fizo grant mortalidat de moros, et obtenida de vitoria de tan grant batalla rendió gracia á Dios et tornóse con grant honor á su tierra; et la hora era conte de Vrgel, Guerau de Crabera et peruinole el dito Condado por succession del tio suyo Narmengon, qui murió sin fillos. Aquesti Conte huuo muytas guerras con el dito Rey et fizole muytas injurias por las quals el dito Rey con grandes huests sitió la ciudat de Balaguer et el castiello de Lorez. Et finalment el dito Conte, qui era enstablido en el dito castiello, rendióse al dito Rey con su muller et sus fillos et tuuolos presos en el castiello de Loharre en Aragon. Et el dito Rey ensenyoriose del dito condado mientre viuió; mas quando fué muerto los nobles de Cataluña recobroron de los procuradors del dito Regno el dito Guerau, et su muller, et sus fillos. Et tantost como el dito Conte fué exido de prision, se rendió á la casa del Temple et aqui murió.

Et en tiempo de aquesti rey Don Pedro, dotado sobre todos los otros reyes en beldat et probeza de caualleria, et breuement en toda laudor, el noble varon en Arnau arçobispo de Narbona se leuantó contra los hereges qui hitauan en prouincia de Narbona con grands gents de Francia cruzadas. El dito rey por mandamiento del Padre Santo dió Badares et Carcasses et toda la suya señorya en feu al conte de Monforch, clamado Simon, fizolende homenage et el juró fieldat seruar como á senyor. Onde como el dito Simon quisiesse las condensas de Tolosa hermanas del dito rey Don Pedro desheredar, el dita Rey pregó et amonestó al dito Simon que se estuuies de fer enoyo et daño á las ditas hermanas suyas: las quales pregarias et amonestamientos el dito Conte no quiso obedecer, antes continuó su proposito de mal affer contra las hermanas del dito Rey. Et el dito Rey queriendo que millor fues escusado si als se esdeuenía, enuió sus mesageros al Padre Santo sobre los deseradamientos de las hermanas, pregando et suplicando quel dito Padre Santo le quisies escriuir al dito Simon, mas ya por todos aquestos remedios el dito conte Simon non sen quisó estar. El dito Rey assi como aquel qui non podría sostener ni deuía que mal prendiessen sus hermanas vino con grant poder en ayuda del conte de Tolosa con el qual era el conte de Foyx con muitos otros varons. Et todos ensemble encalçaron tan cuitadament el dito conte de Monfort que lo fizieron encerrar en vn castiello quel dicen Morel. Et el dito Rey con los Contes que alli eran auieron batalla con el dito Simon. Et en continent los ditos contes de Tolosa et de Foix fuyeron. Et el dito Rey queriendo mas morir con honor que non uivir con desonor. Por tal por que ningun tiempo en batalla que fués, pongiro cara, murió en aquella.

Otra cronica dize que su cuñado el conde Remon de Tolosa enviólo rogar que vinies en ayuda que hauía guerra con el Rey de Francia; et con arcebispo de Narbona Don Aznalt, porque emparaua algunos hereges, et que depues sus días, dando el Rey de Aragon en casamiento su filla, quel condado de Tolosa fincas en la casa de Aragon et el Rey empeñó muitas villas aprisso las diezmas de su tierra et algunos trasoros de las iglesias, por do hauía la ira de Dios sobrél, et passó el puerto. Et Simon de Monfort que tenia la guerra, por el Rey de Francia, recolliesse con sus gents en Murel, el Rey de Aragon fuelo cercar con el conte de Foyx et otros conts de Gascoña et quería se rendir al Rey de Aragon á la buena merce de Francia, et non quiso el Rey recevirlo. Los franceses viendose muertos yxieron en la alborada et non curaron por res, entro que plegoron al Rey et matoronlo et á los otros contenidos de iuso. Et murieron con el muitos varones de Aragon. Entre los quales murieron Aznar Pardo et Pero Pardo su fillo, Gomez de Luna, et Miguel de Luesia et otros muitos de Aragon. Mas ninguno de Cataluña no y murió; et murió el dito Rey en edat de XL años, en el año de nuestro Senyor M.CCXIIII, et fué soterrado en el monesterio de Sijena, el qual su madre Doña Sancha hauía edificado et establido conuento de mulleres de la órden del Spital de Iherusalem; el Rey de sus dito era ido en aquellas partidas por razon de dar ayuda tan solament á sus hermanas segunt que es de suso dito, et al Conte de Tolosa non porque darse aiuda á ningun infiell ó enemigo de la fé xpistiana, en la qual el muyt fiel sin toda tacha estuuo et perseueró todos tiempos enta nuestro Senyor Dios.